پارتی زۆرترین ده‌نگی تایبه‌تی هه‌ڵبژاردنی به‌ده‌ستهیناوه
دوای ئه‌وه‌ی ئه‌مڕۆ ده‌نگدانی تایبه‌ت له هه‌رێمی كوردستان به‌ڕیچوه‌چوو, بەگوێرەی ئەو زانیارییه‌كانی ده‌ست (خواكوڕك) كەوتوون، لە ئەنجامی نافەرمی كۆی گشتیی دەنگدانی تایبەت لە هەرێمی كوردستاندا پارتی بەجیاوازییەكی گەورە پلەی یەكەم و یەكێتی دووەم و گۆڕانیش سێیەمی هێناوە.
لە دەنگدانی تایبەتدا كە ئەمڕۆ هەینی بەڕێوەچوو، لە كۆی دەنگی 162 هەزار و 345دا، لیستی پارتی 80هەزار و 764 دەنگی بەدەست هێناوە. هەروەها یەکێتی 56 هەزار و 887 دەنگی بەدەست هێناوە.
لیستی بزوتنەوەی گۆڕانیش 10 هەزار و 543 دەنگی هێناوە، لایەنەكانی تریش بەیەكەوە 16 هەزار دەنگیان هێناوە.
ئەمڕۆ هەینی دەنگدانی تایبەت لە سەرجەم ناوچەكانی كوردستاندا بۆ هەڵبژاردنی پەرلەمانی كوردستان بەڕێوەچوو، دەنگدانی گشتییش رۆژی یەكشەممەی داهاتوو بەڕێوەدەچێت.
