محەممەد بن سەلمان: ئاماده‌ین بۆ پڕكردنه‌وه‌ی به‌شه نه‌وتی ئێران له به‌رامبه‌ر یه‌ك به‌رمیلی ئێران ئاماده‌ین ئێمه دوو به‌رمیل بخه‌ینه بازاڕه‌كانه‌وه
له‌گه‌ڵ زیاتر بوونی فشاره‌كانی ئه‌مریكا بۆ سه‌ر ئێران به تایبه‌ت لێدان له پێگه ئابووریه‌كانی ئه‌و وڵاته‌و هاتنه خواره‌وه‌ی نرخی تومه‌ن و رێگری له هه‌نارده‌كردنی نه‌وتی ئه‌و ئه‌و وڵاته‌و بوونی كڕیار, شازادەی جێنشینی سعودیە وه‌ك هاوپه‌یمانێكی ئه‌میكا له دۆسیه‌یی دژایه‌تی كردنی ئێران رایگەیاند لە بەرامبەر هەر بەرمیلە نەوتێک کە ئیران کەمتر هەناردەی بکات، سعودیە دوو بەرمیلە نەوت هەناردە دەکات و بەم شێوەیە سعودیە کەمیی نەوت لە بازاڕە جیهانییەکاندا پڕدەکاتەوە.
محەممەد بن سەلمان، شازادەی جێنشینی سعودیە بە ئاماژەدان بەوەی سعودیە هیچکات نرخی نەوت دیاریی ناکات، بەڵکو ئەوە خستنەڕووی نەوتە کە نرخ دیاریی دەکات گوتی: “ئەمریکا داوای لە سعودیە و وڵاتانی دیکەی ئەندامی ئۆپێک کردووە کە کەمبوونەوەی هەناردەی نەوتی ئێران قەرەبوو بکەنەوە. ئێمەیش ئامادەین لەم بابەتەدا هاوکار بین”.
شازادەی جێنشینی سعودیە لەبارەی پڕکردنەوەی بەشە نەوتی ئێران گوتی: “هەناردەی نەوتی ئێران بۆ 700 هەزار بەرمیل لە رۆژێکدا کەم دەبێتەوە و لەبەرامبەردا وڵاتانی ئۆپێک بڕی 1.5 ملیۆن بەرمیل نەوتی زیاتر لە رۆژێکدا هەناردە دەکەن. ئەوە بەو مانایەیە کە لە بەرامبەر هەر بەرمیلە نەوتێکدا کە ئێران هەناردەی ناکات، ئێمە دوو بەرمیل هەناردە دەکەین”.
محەممەد بن سەلمان هەروەها ئاماژەی بەوە کردووە بەرزبوونەوەی نرخی نەوت پەیوەندیی بە ئێرانەوە نییە، بەڵکو کێشەی هەناردەکردنی نەوت لە وڵاتانی کەنەدا، لیبیا، ڤەنزوێلا و چەند وڵاتێکی دیکەش هەبووە.
