له سلێمانی به ناوی ئاسایش و گه‌ڕان به‌دوای مادده‌ی هۆشبه‌ر باندێك دزی له چه‌ند ماڵێك ده‌كه‌ن
دوای ئه‌وه‌ی چه‌ند تاوانێكی كوشتن و دزی له شاری سلێمانی روویاندا, به‌ڕێوه‌به‌ری پۆلیسی پارێزگای سلێمانی له باره‌ی رووداوه‌كان روونكردنه‌وه‌ی دا هه‌روه‌ها له پرێس كۆنفراسێكدا, چەند کار و چالاکییەکی ڕۆژانی ڕابردووی پۆلیسی پارێزگاکەی ڕاگەیاند.
ئەمڕۆ چوارشەممە 10/10/2018، ئاسۆ تەھا، بەڕێوەبەری پۆلیسی پارێزگای سلێمانی لە پرێس کۆنفرانسێکدا ڕای گەیاند: “باندێکی دزییان لە سلێمانی دەستگیر کردووە، کە لە چوار کەس پێکھاتوون و بە جلوبەرگی ئاسایش و بەناوی گەڕان بەدوای مادەی ھۆشبەردا چوونەتە سەر ماڵان و دزییان لێ کردوون”.
ئاماژەی بەوەش دا: “دوای ئەوەی باندێکی دوو کەسی بە رەگەز عەرەب، لە شارەکانی واست و تکریت لە ناوەڕاست و خوارووی عێراق ھەڵیانکوتاوەتە سەر ماڵان، بڕێکی زۆر پارەیان دزیوە، دواتر ھاتوونەتە سنووری پارێزگای سلێمانی و لەلایەن ھێزەکانی پۆلیسەوە دەستگیر کراون”.
بەڕێوەبەری پۆلیسی سلێمانی باسی لەوەش کرد، کە ئۆتلۆمبێلێکی تۆیۆتا لاندکرووزەر لە پارێزگای دیالە دزراوە و ھێنراوەتە سنووری پارێزگای سلێمانی، توانیویانە لەلایەن ھێزەکانیانەوە ئۆتۆمبێلەکە بدۆزنەوە و شۆفێرەکەی دەستگیر بکەن و دەست بەسەر دەمانچەکەیدا بگرن.
دەشڵێت: “کاتژمێر 9 و 20 خولەکی شەوی ڕابردوو، لە ناوچەی سیتەک رووداوێکی کوشتن رووی دا و ھێزەکانمان توانیویانە کاتژمێر 10 و 20 خولە بکوژەکە دەستگیر بکەن”.
ئاسۆ تەھا ڕوونیشکی کردەوە کە لە ماوەی 10 رۆژی سەرەتای ئەم مانگەدا، دەست بەسەر 39 چەکی جۆراوجۆردا گیراوە، کە کاری ئاژاوەگێڕییان پێ کراوە
