پارتی دیموكراتی كوردستان سوره له‌سه‌ر پێكهێنانی حكومه‌تی زۆرینه‌ی سیاسی
پێشبینی لایه‌نه‌كان له دوای ڕاگه‌یاندنی كۆتایی ئه‌نجامه‌كانی هه‌ڵبژاردن بۆ پێكهێنانی حكومه‌تی نوێی هه‌رێمی كوردستان ئه‌وه‌یه كه پێكهێنانی حكومه‌تی هه‌رێم كارێكی ئاسان نییه و ئاسته‌نگی زۆری له‌به‌رده‌مدایه ،چونكه پارتی یه‌كێتی به هۆی ڕێكنه‌كه‌وتن له‌سه‌ر پۆستی سه‌رۆككۆماری عێراق ناكۆكی كه‌وتووه‌ته نێوانیان لێكتر دابراون ، پارتی دیموكراتی كوردستان له دوای ململانێكانی یه‌كێتی و رێكه‌وتن له‌گه‌ڵ لایه‌نه عه‌ره‌بیه‌كان تێكدانی یه‌كڕیزی فراكسیۆنه كوردستانیه‌كان پارته‌كه‌ی جاران نییه و له باسكردنی پێكهێنانی حكومه‌تی هه‌رێم دا باسی ئیستحقاقاتی هه‌ڵبژاردن ده‌كات و خۆی له‌قه‌ره‌ی حکومەتی تەوافوقی و بنکە فراوان نادات ، پارتی زیاتر سوره له‌سه‌ر حكومه‌تی زۆرینه نه‌ك حكومه‌تی ته‌وافوق و ڕێكه‌وتنی سیاسی .
هه‌وڵه‌كانی یه‌كێتی بۆ ئه‌وه‌یه كه له‌ناو كابینه‌ی نوێی حكومه‌تی هه‌رێم پۆسته‌كانی كه‌م نه‌كات و وه‌كو خۆی بمێنێته‌وه ،پارتی دیموكراتی كوردستانیش سوره له‌سه‌ر ئه‌وه‌ی پۆسته‌كان به پێی ئیستحقاقاتی هه‌ڵبژاردن دابه‌ش بكرێت ، بزوتنه‌وه‌ی گۆران برایوه‌ی سێیه‌می هه‌ڵبژاردنه‌كان بووه ،به‌ڵام بریاری نه‌داوه كه به‌شداری له كابینه‌ی نوێ بۆ پێكهێنانی حكومه‌ت ده‌كه‌ن یان نا ، بزوتنه‌وه‌ی گۆڕان ئۆپۆزیسیۆنبوون بە بژاردەی یەکەم دادەنێن لە حکومەتی داهاتوودا.
یه‌كێتی به‌رده‌وام جه‌خت له‌وه ده‌كاته‌وه كه‌به‌بێ بوون و هاوبه‌شی ئه‌وان ناكرێت حكومه‌تی هه‌رێم پێكبهێنرێت ،له‌وانه‌یشه ئیتر هاوبەشیی ۵۰ بە ۵۰ لەگەڵ پارتی ئیتر بووبێتە مێژوو بۆ یه‌كێتی .
