دۆخی ئه‌منی و خزمه‌تگوزاری شنگاڵ خراپه، خه‌لكی شاره‌كه ناتوانن له‌به‌ر حه‌شدی شه‌عبی بگه‌ڕێنه‌وه
دوای داگیركردنی خاكی كوردستان له لایه‌ن داعش، پێشمه‌رگه توانی ئه‌و شاره له داعش پاك بكه‌نه‌وه، پاشان به هۆی خیانه‌تی گرووپێكی یه‌كێتی و پیلانگێری عێراق و ئێران و ئه‌مریكا، شاره‌كه له لایه‌ن حه‌شدی شه‌عبی داگیر كرا، ئه‌ندامێكى خولی پێشووى په‌رله‌مانى عیراق ئاشكرایده‌كات، ره‌وشى ئه‌منى و سیاسى شنگال ناجێگیره‌و به‌و هۆیه‌شه‌وه تا ئێستا 85% ى خه‌ڵكه‌كه‌ى ئاواره‌ن و له‌نێو كه‌مپ و شاره‌كانى هه‌رێمدا ژیان به‌سه‌رده‌به‌ن.
ماجد شنگالى ئه‌ندامى خولی پێشووى ئه‌نجومه‌نى نوێنه‌رانى عیراق له فراكسیۆنى پارتى رایگه‌یاندووه “ره‌وشى ئه‌منى و سیاسى قه‌زاى شنگال خراپه‌و به‌هۆی ده‌ستوه‌ردان و ململانێى سیاسییه‌وه كێشه‌و گرفته‌كانی قه‌زاكه چاره‌سه‌رنه‌كراوه‌و ئه‌مه‌ش وایكردوه 85%ى دانیشتوانى قه‌زاكه نه‌توانن بگه‌ڕێنه‌وه سه‌ر زێدى خۆیان و له ئاواره‌ییدا ژیان به‌سه‌رده‌به‌ن”.
په‌رله‌مانتاره‌كه‌ی خولی پێشووی ئه‌نجومه‌نى نوێنه‌رانى عیراق گوتوشیه‌تی:” سه‌ربارى ناجێگیرى ره‌وشى ئه‌منى، نه‌بوونى خزمه‌تگوزارى پێویست له سێكته‌ره‌كانى ئاو كاره‌باو په‌روه‌رده‌و ته‌ندروستى ئاسته‌نگ گه‌لێكى ترن له‌به‌رده‌م گه‌ڕانه‌وه‌ى ئاواره‌كانى قه‌زاى شنگال بۆ سه‌ر ماڵ و حاڵى خۆیان.
ماجد شنگالى ئه‌وه‌شی وت ” گه‌ڕانه‌وه‌ى ئاواره‌كانى شنگال په‌یوه‌سته به گه‌ڕانه‌وه‌ى هێزه‌كانى پێشمه‌رگه بۆ ئه‌و سنوره، چونكه ته‌نها له‌سایه‌ى ئه‌و هێزه‌دا هه‌ست به ئارامى و دڵنیایی ده‌كه‌ن”.
