شیرین فواد مه‌عسوم خیانه‌تی ۱٦ـی ئۆكتۆبه‌ر ده‌گێڕێته‌وه بۆ گروپه كاڵفام و به‌خیانه‌ت گۆشكراوه‌كه‌ی یه‌كێتی
شیرین فواد مەعسووم كچی سه‌رۆككۆماری پێشووی عێراق له هه‌ژماری تایبه‌تی خۆی له تۆڕی كۆمه‌ڵایه‌تی فه‌یسبووك له باره‌ی خیانه‌تی ۱٦ـی ئۆكتۆبه‌رتەنیا چەند خاڵێکی وەک ئاماژە بۆ ١٦ی ئۆکتۆبەر داناوە و نووسیویەتی: ”١٦ی ئۆکتۆبەر، ١-بەرژەوەندیی کەسی و حزبی پێش نیشتمان. ٢-دووبەرەکی و ناتفاقیی ماڵی کورد. ٣-سیاسەت بە دەست کاڵفام و ھەرزەکارانەوە. ٤-نەخوێندنەوەی هاوسەنگە سیاسیی ئیقلیمی و نێودەوڵەتییەکان. ٥- ھەرزانیی خوێنی کورد“.
له‌ماوه‌ی ساڵێكدا دوای رووداوه‌كانی ۱٦ی ئوكتۆبه‌ر، پڕۆسەی تەعریب به‌شێوه‌یه‌ك چڕكرایه‌وه کە ڕێژەی عەرەب ۵تا۱۰%ی له ناوچه كوردستانییه‌كانی ده‌ره‌وه‌ی ئیداره‌ی هه‌رێم زیادی کردووە ، بە گوێره‌ی مادده‌ی ۱٤۰ له دەستووری عێراقیش پێویسته دیمۆگرافیای كه‌ركووك له‌ڕێگه‌ی راپرسی و سه‌رژمێرییه‌وه یەکلایی بکرێتەوە ، ئێستاش مه‌ترسی ئه‌وه هه‌یه ئەگەر بەم شێوەیە پرۆسه‌ی تەعریب بەردەوام بێت ئەوا گۆڕانی گه‌وره له دیمۆگرافیای ئه‌و ناوچانه روو ده‌دات و ڕێژەی عەرەب به‌شێوه‌یه‌ك زیاد بێت كه له ئاینده‌دا کورد نەتوانێت زۆرینەی ره‌سه‌ن پێكبهێنێت.
