بزوتنه‌وه‌ی گۆڕان تاوتوێی شكسته‌كانی هه‌ڵبژاردن ده‌كات
بڕیارە ئەمڕۆشه‌ممه ۲۰ی۱۰ی۲۰۱۸ جڤاتی نیشتمانی بزووتنەوەی گۆڕان،له مه‌كۆی سه‌ره‌كی گۆران لە بارەی خۆ رێكخستنەوەی نێوماڵی گۆڕان و تاوتوێكردنی ئەنجامدانی كۆنگرە و ھەڵبژاردنی نێو رایەڵەكانی بزووتنەوەكە كۆببێتەوە.
تەوەرێكی دیكەی كۆبوونەوەكە، تاوتوێكردنی ھەڵبژاردنی پەرلەمانی كوردستان و ئەگەرەكانی بەردەم بزووتنەوەكەیە لە بەشداریكردن و بەشداری نەكردنیان لە كابینەی نوێی حكوومەتی ھەرێمی كوردستان.
كێشه و ناكۆكییه‌كانى ناو گۆڕان له دواى نه‌وشیروان مسته‌فا و شكستى هه‌ڵبژاردنى ۱۲ى ئایارو ۳۰ـی ئه‌یلول، ئه‌و ڕاستییه‌ى ده‌رخست كه گۆڕان و سه‌ركرده‌كانى نه‌یانتوانى “ئه‌مانه‌تپارێزى” وه‌سێته‌كه‌ى نه‌وشیروان مسته‌فا بن ،جموجۆڵی كوڕه‌كانی نه‌وشیروان هۆكاری سه‌ره‌كییه بۆ توڕه بوونی زۆربه‌ی سه‌ركرده‌كانی گۆڕان وەرگرتنی بڕی ٢٥٠ هەزار دۆلاری مانگانە بە نهێنی لە گروپی خیانه‌تكاری ۱٦ـی ئۆكتۆبه‌ری ناویەکێتی، هەروەها تاپۆرکردنی سەرجەم موڵک و ماڵەکانی گۆڕان بەسەر کوڕەکانی نەوشیروان مستەفا، جگە لە پەیوەندییە تایبەتەکەی کوڕەکانی نەوشیروان مستەفا لەگەڵ بنەماڵەی تاڵەبانی، لە پێناو پاراستنی بەرژەوەندییە داراییەکانیان لە سلێمانی، کێشەی لەنێو بزووتنەوەی گۆڕاندا درووست کردووە و بەشێک لە بەرپرسانی بزووتنەوەکە بە ئاشکرا نیگەرانی خۆیان ده‌رده‌بڕن .
