پارتی دیموكراتی كوردستان له ناوخۆدا له گفتوگۆدایه بۆ پێكهێنانی شاندی دانوستاندن
![](https://xwakurk.com/wp-content/uploads/2018/04/1-165.jpg)
چەند رۆژی داهاتوودا دەست بە جموجوڵێكی سیاسی بكرێ بە ئامانجی پێكهێنانی كابینەیەكی نوێی حكومەت، پارتی دیموكراتی كوردستان سەرقاڵی ئامادەكردنی شاندێكی دانوستاندنە و بەپێی ریزبەندی، لە یەكێتی نیشتمانی كوردستانەوە دەست بە گفتوگۆكانی دەكات.
سەفین دزەیی، گوتەبێژی حکوومەتی هەرێمی کوردستان رایگەیاند:” پارتی دیموکراتی کوردستان لەبارەی پێکهێنانی حکوومەتی هەرێمی کوردستان لەنێوخۆیدا لە گفتوگۆدایە و ئهو پرسه تاووتوێ دهكات”.
گوتەبێژی حکوومەتی هەرێمی کوردستان دهڵێت :” سهرهتا پارتی تاووتوێی ئهوه دهكات، لەگەڵ چ لایەنێك هاوپەیمانێتی بكات و بزانێت شێوازی پێکهێنانی حکومەت چۆن دەبێت”.
لهبارهی پێكهێنانی حكومهتی عێراقیشهوه ” سهفین دزهیی ” گوتهبێژی حكومهتی ههرێم گووتی :” كورد پشتیوانی لە حکوومەتەکەی عادل عەبدولمەهدی دەکات، بەڵام دەبێت کورد لە حکوومەتی داهاتووی عێراق هاوبەشێکی راستەقینە بێت ، بهڵام پێویستە پرسی پێشمەرگە و ماددەی ۱٤۰ی دەستوور لە کابینەی نوێی حکوومەت گفتوگۆیان لەبارەوە بکرێت”.