هۆشداری تووند دەدرێت بە ماڵیكی لەسەر كەركووك
خواكوڕك
شاخەوان عەبدوڵا ئەندام پەرلەمانی عێراق لەسەر لیستی پارتی دیموكراتی كوردستان بەتووندی وەڵامی مالیكی دایەوە رایگەیاند. ڕێگا نادەن نووری مالیکی، سەرۆکی حزبی دەعوەی ئیسلامی، دەست لە کاروباری کەرکووک وەربدات. جەختیش لەوە دەکاتەوە کە هاتنی داعش بۆ عێراق، ئەنجامی سیاسەتی ئەو مالیكی بوو.
شاخەوان عەبدولڵا لە لێدوانێكی دا هێرشی دەكاتە سەر مالیكی و دەلێت بۆت نیە دەست لەكاروباری كەركوك وەر بدەیت، چونكە تۆ داهێنەری هێنانی داعش بۆ عێراق.
نووری مالیکی سەرۆك وەزیرانی پێشووی عێراق لە تۆری كۆمەڵایەتی فیس بووك پەیامێكی بڵاو كردەوە لە پەیامەكەدا دەلێت، تۆمەتباركردنی پێكهاتەیەك بە پێشلكارییە ئەمنییەكانی كەركووك، كارێكی زۆر مەترسیدارە و هەڕەشەیە بۆ شێواندنی ئاشتیی كۆمەڵایەتی و یەكپارچەیی وڵات و دەبێت ئەو شارە لەنێوان پێکهاتەکان بەڕێوە بچێت”.
هەر لە وەڵامی مالیكی دا شاخەوان عەبدولڵا دەلێت مالیكی بەچ سیفەتێكی لەعێراق پەیام لەسەر كەركووك دەدات و دەست لەكارو باری ئەم شارە وەردەدات و دەلێت “مالیکی چ پۆستێکی هەیە ئاوا دەست وەردەداتە کاروباری شارەکە؟ بە چ هەقێک دەیەوێت لێدوانی سیاسی لەسەر کەرکووک بدات؟”. جەختیشی لەوە کردەوە کە سەرهەڵدانی داعش و هاتنیان بۆ عێراق، ئەنجامی سیاسەتە هەڵەکانی نووری مالیکی بووە و پێویست ناکات جارێکی دیکە دەست لە کاروباری ناوچە کوردستانییەکان وەربداتەوە قسەی لەسەر بكات.
