پۆلیسی هاتوچۆی هه‌ولێر ئاگادارییه‌ك بڵاوده‌كاته‌وه بۆ هاووڵاتیان.
پۆلیسی هاتوچۆی هەولێر داوا لەشوفێران دەكات بەهیچ شێوەیەك لەڕێگەی كۆمپانیاوە كار بۆ دەرهێنانی مۆڵەتی شوفێری نێودەوڵەتی نەكەن، چونكە ساختەیەو فێڵكردنە لە هاوڵاتیان.”
دەقی ئاگادارییەكەی پۆلیسی هاتووچۆی هەولێر بۆ هاووڵاتیان:-
ماوەیەكە لەتۆڕە كۆمەڵایەتییەكان ریكلام بۆ كۆمپانیایەك دەكرێت كە گوایا لەبەرامبەر بڕێك پارە مۆڵەتە ئاساییەكەی شوفێریت بۆ دەكات بەمۆڵەتی نێودەوڵەتی، ئێمە هاوڵاتیان ئاگادار دەكەینەوە كەوا ئەم كۆمپانیایە هیچ پەیوەندییەكی بەهاتووچۆوە نیە وەئەوەی دەیكات ساختەكاری و فێڵكردنەو ئەو مۆڵەتەی كەدروستی دەكات و دەیدات بەهاوڵاتیان ساختەیەو تاكە شوێن كە هاوڵاتیان دەتوانن لەرێگەیەوە مۆڵەتەكەیان بكەن بەنێودەوڵەتی فەرمانگەكانی هاتووچۆیە.
بۆیە داوا لەهاوڵاتیان دەكەین و ئاگاداریشیان دەكەینەوە كەوا مامەڵە لەگەڵ ئەم شوێنە گوماناویانە نەكەن.
بەڕێوەبەرایەتی هاتووچۆی هەولێر
