یەكێتی ئاڵا تاڵەبانی قبوڵدەكاتەوە
دوای ئەوەی ئالا تالەبانی ئەندامی سەركردایەت یەكێتی لە دیدارێكی تەلەفزیۆنی رایگەیاند كە بە رەچەلەك عەرەبە, دواجار لەسەر لسیتێكی عەرەبی خۆی كاندید كرد بۆ پەرلەمانی عێراق, یەكێی بڕیاری سڕركردن و دوور خستنەوەی ئەو سەركردەیەیی حزبەكەی دەكرد, بەڵام تەنها دوای چەند مانگێك یەكێتی لە بڕیاری سڕركردنی ئاڵا تالەبانی پاشگەز بویەوە ئەمڕۆ بەشداری كۆبوونەوەی سەركردایەتی حزبەكەی كرد.
ب پێی زانیاریەكانی (خواكوڕك) لە كۆبوونەوەكەی دەباشان كە كۆسرەت ڕەسوڵ عەلی، جێگری یەكەمی سكرتێری گشتیی یەكێتی سەرپەرشتی دەكرد، بڕیاری گەڕاندنەوەی ئاڵا تاڵەبانی دراوە.
هەروەها مستەفا چاوڕەش، ئەندامی سەركردایەتیی یەكێتیی نیشتمانیی كوردستان رایگەیاندووە ”خۆم لە كۆبوونەوەكە بووم و بڕیار دراوە وەك ئەندامێكی سەركردایەتی كارەكانی خۆی بكات“. نەكراوەتە ئەندامی مەكتەبی سیاسی.
ئەوەشی ڕوون كردەوە نازانێت هۆكاری گەڕاندنەوەكەی چییە، بەڵام ئاڵا تاڵەبانی ”خۆی نامەیەكی نووسیوە و نامەكە لە كۆبوونەوەكەدا خوێندرایەوە و هەمووان پێیان باش بوو بگەڕێتەوە سەركردایەتی“.
شایەنی باسە, لە ماوەی ڕابردوودا ئاڵا تاڵەبانی بەهۆی عێراقچێتییە لەڕادەبەدەرەكەی و گەڕاندنەوەی ڕەچەڵەكی تاڵەبانییەكان بۆ سەر هۆزی بەنی ئەسەدی عەرەبی شیعە و دژایەتیكردنی خەونی سەربەخۆیی كوردستان، ڕەخنەیەكی زۆری هێنایەوە سەر یەكێتیی نیشتمانیی كوردستان، بەڵام حزبەكە لەسەر خۆكاندیدكردنی ئاڵا تاڵەبانی لەسەر لیستێكی عەرەبیی عێراقی لە بەغدا، بڕیاری سڕكردنی دەركرد.
