ڕه‌هبه‌ری سه‌ید برایم :ئه‌م وڵاته به‌بێ یه‌كێتی و پارتی به‌ڕێوه ناچێت
ڕەھبەری سەید برایم، ئەندامی سەركردایەتیی یەكێتی نیشتمانی كوردستان،ڕایگه‌یاند: “بەھۆی پۆستی سەرۆك كۆمارەوە برادەرانی پارتی دیموكراتی كوردستان، ھەندێك گلەیی و ڕەخنەیان لە ئێمە ھەبووە، بەڵام ئێستا پەیوەندیمان ئاساییە و ھیچ كێشەیەكمان نییە“.
ئەندامەكەی سەكردایەتیی یەكێتی،گووتی :” پارتی و یەكێتی ساڵانێكی دوور و درێژە پێكەوە بە ھاوبەشی كابینەكانی حكوومەتی ھەرێمی كوردستان بەڕێوە دەبەن، بۆیە یەكێتی ھیچ كاتێك دەست لە پارتی بەرنادات، چونكە ئەم وڵاتە بەبێ یەكێتی و پارتی بەڕێوە ناچێت“.
هه‌روه‌ها ڕه‌هبه‌ری سه‌ید برایم گوتیشی :” ئەوانەی باسی كێشەی نێوان پارتی و یەكێتی دەكەن، تەنها پڕوپاگەندە بڵاو دەكەنەوە، بێگومان بڵاو كردنەوەی ئەو پڕوپاگەندانەش خزمەت بە نەیارانی گەلی كورد دەكات”.
ڕەھبەری سەید برایم، ئەندامی سەركردایەتیی یەكێتی ده‌شڵێت:” بەھۆی پۆستی سەرۆك كۆمارەوە یەكێتێ پەیوەندییەكانی لەگەڵ پارتی دیموكراتی كوردستان تێك نادات، چونكە ”بارودۆخی ھەرێمی كوردستان،پێویستی بەیەكدەنگی و یەكڕیزیی زیاتری نێوان پارت و لایەنە سیاسییەكان ھەیە، بێگومان پارتی و یەكێتی لەڕێگە پێكھێنانی كابینەی نوێی حكوومەتی ھەرێمی كوردستانەوە، ھەوڵی چارەسەركردنی كێشەكانی كۆمەڵانی خەڵكی كوردستان دەدەن”.
رۆژی ١٩ی٩ی٢٠١٨، بەرھەم ساڵح دوای نزیکەی پێنج مانگ جیابوونەوەی لە یەکێتی و دروستکردنی قه‌واره‌یه‌ك بەناوی ھاوپەیمانیی بۆ دیموکراسی و دادپەروەری، دواتر قه‌واره‌کەی خۆی بەجێ ھێشت و له پێناو پۆستی سه‌رۆككۆماری عێراق گەڕایەوە ناو یەکێتی و لە ھەمان رۆژ بوە کاندیدی یەکێتی بۆ سەرۆک کۆماری عێراق.
