بەرێوەبەر وجێگری بەرێوەبەری كەناڵی ئێن ئاڕتی دوای حەوت ساڵ لەكاركردنیان دەستیان لەكاركێشایەوە
![](https://xwakurk.com/wp-content/uploads/2018/11/himen-mahmud.jpg)
هێمن مەحمود، جێگری بەرێوەبەری كەناڵی ئێن ئارتی لەهەژماری خۆی لەتۆڕی كۆمەڵایەتی فەیسبوك له نوسینێكدا ماڵئاوایی خۆی له كهناڵی ئێن ئاڕتی دهكات ودهڵێت :”
ماڵئاواى لە ئێن ئاڕ تی ،ئێمە کە زیاتر لە ٧ ساڵە لە ئێن ئاڕ تى کاردەکەین، چیرۆکى سەرەتا و کۆتایی کارکردنمان لەم چەند دێڕەدا روون دەکەینەوە”.
جێگری بەرێوەبەری كەناڵی ئێن ئارتی دهشلێت :” هەردووکمان لە قۆناغى سەرەتاوە بە هەواڵسازى و پەیامنێرى دەستمانپێکرد، لەو ماوەیەدا زۆرینەى بەرپرسیارێتییەکانى کەناڵەکەمان وەرگرت، هەر لە پێشکەشکردنى بەرنامە و بەرپرسیارێتى لە ژوورى هەواڵ و بەرنامەکان تا دوا وێستگەى کەناڵەکە، کە لە مانگى شوباتەوە (ئەکرەم تۆفیق-بەڕێوەبەرى گشتى کەناڵ و هێمن مەحمود-جێگرى بەڕێوەبەرى گشتى کەناڵ) دەستبەکاربووین، بەڵام ئەمڕۆ دەستمانلەکارکێشایەوە”.
لهكۆتاییی دا هێمن مەحمود، جێگری بەرێوەبەری كەناڵی ئێن ئارتی نوسیویهتی ” ئێن ئاڕ تى بوو بە مێژوو بۆ ئێمە، بەڵام مێژوویەکى پڕ شانازى، سوپاسی هەموو ئەو هاوڕێ و هاوپیشانەمان دەکەین کە لە ماوەى کارکردندا پێکەوە بووین بە خێزانێک”.