پۆلیس له باره‌ی رووداوه دڵته‌زێنه‌كه‌ی هه‌ولێر روونكردنه‌وه ده‌دات.
گوته‌بێژى به‌ڕێوه‌به‌رایه‌تى هاتووچۆی هه‌ولێر ڕاگەیاند، ئێواره‌ى ڕۆژى سێ شه‌ممه، له‌سه‌ر شه‌قامی 120مه‌تری ئۆتۆمبێلێك به‌هۆی تیژڕۆییه‌وه و ته‌ڕبونی شه‌قامه‌كه خۆی كێشا به‌ستونی ڕاگری هێماكانی هاتووچۆی گیانی له‌ده‌ستدا.”
فازل حاجی گوته‌بێژى به‌ڕێوه‌به‌رایه‌تى هاتووچۆی هه‌ولێر ڕایده‌گه‌ێنێت، ئێواره‌ى ڕۆژى سێشه‌ممه 6 ى 11 ى 2018 له‌سه‌ر شه‌قامی 120مه‌تری نزیك دووریانی ڕێگای شه‌قلاوه ، ئۆتۆمبێلێكی جۆری نیسان ی تایبه‌ت ، به‌هۆی تیژڕۆییه‌وه و ته‌ڕبونی شه‌قامه‌كه به‌ئاوی بارانه‌وه كۆنترۆلی له‌ده‌ستدا و خۆی كێشا به‌ستونی ڕاگری هێماكانی هاتووچۆی رێگانیشانده‌ری شه‌قامه‌كه و له‌ئه‌نجامی ڕووداوه‌كه شۆفێری ئۆتۆمبێله‌كه گیانی له‌ده‌ستدا.
فازل حاجی ڕاشیده‌گه‌ێنێت، سه‌یركردنی وێنه‌كان ودیمه‌نی ڕووداوه‌كه به‌داخه‌وه یه‌ك راستی ده‌سه‌لمێنێت ، ئه‌ویش ئه‌وه‌یه كه‌خێراییه‌كه له‌م كه‌شه باراناویه‌ش له‌راده‌به‌ده‌ربووه، چونكه ئه‌گه‌ر خێرایی زۆر نه‌بێت ئه‌م ئۆتۆمبێله به‌م شێوه‌یه تێكناشكێت.
گوته‌بێژى هاتووچۆ ڕاشیده‌گه‌ێنێت، داوا له‌شۆفێران ده‌كه‌ین كه‌پابه‌ندی رۆیشتن بن به‌م خێراییه‌ی كه‌دیاریكراوه به‌هێماكان ، ئه‌گه‌ر كه‌شه‌كه باراناوی بوو ئه‌وا خێراییه‌كه‌یان زۆر كه‌متر بكه‌نه‌وه.
