یه‌كێتی له پێناو پۆستێكی عێراقی دا سازش بۆ مه‌سیحیه‌كان ده‌كات
رێزان دلێر، په‌رله‌مانتارى پێشووى يه‌كێتى له لێدوانێكيدا بۆ كه‌ناڵى ئاڕ تى رووسى ڕایگه‌یاند:” پۆستی وەزیری داد لە حکوومەتەکەی عادل عەبدولمەهدی بە یەکێتی و کاندیدەکەی خالید شوانی دەدرێت”.
له‌و چوارچێوه‌يه‌دا، سه‌رچاوه‌يه‌كى به‌رپرس له يه‌كێتى نيشتمانى كوردستان، به سايتى (بغداداليوم)ى راگه‌ياندووه، يه‌كێتى دانووستانى له‌گه‌ڵ كريستيانه‌كان كردووه و رازى كردوون ده‌ستبه‌ردارى پۆستى وه‌زاره‌تى داد ببن و ئه‌و پۆسته بده‌نه يه‌كێتى، له به‌رامبه‌ردا يه‌كێتى له كه‌ركووك و سلێمانى ئيمتيازى ديكه‌يان پێده‌دات.
به گوێره‌ى زانيارييه‌كان، دره‌نگانى شه‌وى رابردوو، گفتوگۆى نێوان يه‌كێتى و مه‌سيحييه‌كان به‌ڕێوه چووه و يه‌كێتى زۆر سازشى بۆيان كردووه له به‌رامبه‌ر وازهێنانیان له پۆستی وازاره‌تی دادی عێراقی .
به پێی زانیارییه‌كان ، یەکێتی بەڵێنی داوە، پۆستی یاریدەدەری پارێزگاری کەرکووک بۆ کاروباری ھونەری و سەرۆکی ئەنجوومەنی پارێزگای کەرکووک بە کریستیانەکان بدات، لە سلێمانیش رەچاوی بەرژەوەندییەکانیان دەکات و لە بەغداش ھاوکارییان دەکات بۆ بەدەستھێنانی پۆستی دیکە.
