پارتی بەمەرجی هەڵوەشاندنەوەی سەرجەم بڕیارەكانی عەبادی دژ بەكوردستان, بەشداری لە كابینەی عادل عەبدولمەهدی كردووە
دوای ئەوەی حەیدەر عەبادی چەند بڕیارێكی لە دژی هەرێمی كوردستان دەركرد, بە تایبەت دژ بە ناوچە كوردستانیە داگیركراوەكان, لە ئێستادا لەگەڵ دەست بەكار بوونی عادل عەبدولمەهدی وەك سەرۆك وەزیرانی عێراق, داوای هەڵوەشاندنەوەی بڕیارەكانی عەبادی لێ دەكات دژ بە كوردستان.
بە پێی زانیاریەكانی (خواكوڕك) پارتی دیموكراتی كوردستان لە دانووستان لەگەڵ لایەنە عێراقییەكان و سەرۆك وەزیرانی نوێ داوای ھەڵوەشاندنەوەی ئەو بڕیارانەی كردووە كە لەسەردەمی حەیدەر عەبادیدا دراون، گەڕانەوەی حوكمی مەدەنی بۆ ناوچە كوردستانییەكانی دەرەوی ئیدارەی ھەرێم و ناردنی سەتا 17 ی بەشە بوودجەی ھەرێم داواكاری سەرەكی پارتییە.
یەكێتی لەم خاڵەدا لەگەڵ پارتی كۆكە و ھەمان داوا دەكات و دەشڵێت: “پێویستە كورد پرۆژەیەكی ھاوبەش ئامادە بكات و بیخاتە بەردەستی ئەنجوومەنی وەزیرانی عێراق”.
هەروەها سەرچاوەی زانیاریەكانی خواكواڕك ئەوەشی ئاشكرا كردووە كە یەكێتی هاوڕای پارتیە لەو داواكاریانەی ئاراستەی عادڵ عەبدولمەهدی كردووە, ھەردووكیشیان پێداگرن لەسەر ئەوەی یەك دەنگی لایەنە كوردییەكان داواكانیان دەگەیەنێتە مەبەست، گرنگترین داواكارییان ئاساییكردنەوەی دۆخی كەركەوك و ناردنی سەتا 17 ی بەشە بوودجەی ھەرێم، شایستە داراییەكانی ھێزی پێشمەرگەیە.
لە چەند رۆژی رابردوودا عادل عەبدولمەھدی رایگەیاند پێویستە لەسەر دۆخی ناوچە كوردستانییەكانی دەرەوەی ئیدارەی ھەرێم و پشكی ڕاستەقینەی كورد لە بوودجەی گشتی عێراق بگەنە چارەسەر، كورد ئەم ھەنگاوەی سەرۆك وەزیرانی نوێ بە گرنگ دەبینێت بەڵام تا نەبێتە كردار ھیچ لە دۆخەكە ناگۆڕێت و ھەر بە قسەی سەر كاغەز دەمێنێتەوە.
