پەیامی سەرۆک بارزانی لە رۆژی جیهانیی لێبووردەییدا
سەرۆک بارزانی بە بۆنەی ساڵڕۆژی جیهانی لێبوردەیی پەیامێکی بڵاوکردەوە، لە پەیامەکەی سەرۆک بارزانیدا هاتووە:”لێبوردەیی، یەكتر قبوڵكردن و پەسندكردنی جیاوازییەكان، لە پێوەرەکانی ناسینەوەی گەل و وڵاتانی پێشكەوتوون، له چوارچێوەی پرەنسیبه سەرەکییەکانی گیانی دیموکراسیشە، هۆکاری سەرەکی سەرکەوتن و پێشكەوتنی هەرێمی کوردستانیش، بۆ گیانی پێکەوەژیان و لێبوردەیی لەم هەرێمەدا دەگەڕێتەوە، کە سیمایەکی جوان و شارستانی بە کوردستان بەخشیوەو له ناوچەکەدا کەم وێنەیە”.
سەرۆک بارزانی لەبەشێکی دیکەی پەیامەکەیدا دەڵێت:” لێبوردەیی و ئاشتی و پێكەوەژیان فەرهەنگی ھەزاران ساڵەی گەلی كوردستانە، هەوڵی زۆر دراوە بۆ لەناوبردنی ئەم بەها بەرزە، بەڵام لە هیچ بارو دۆخێکدا گۆڕانکاری بەسەردا نایەت و، هەرێمی کوردستان هەمیشە بە ناوەندی پێکەوەژیانی گشت نەتەوەو ئایین و ئایینزاکان دەمێنێتەوە.
دەقی پەیامەکەی سەرۆک بارزانی
لێبوردەیی، یەكتر قبوڵكردن و پەسندكردنی جیاوازییەكان، لە پێوەرەکانی ناسینەوەی گەل و وڵاتانی پێشكەوتوون، له چوارچێوەی پرەنسیبه سەرەکییەکانی گیانی دیموکراسیشە، هۆکاری سەرەکی سەرکەوتن و پێشكەوتنی هەرێمی کوردستانیش، بۆ گیانی پێکەوەژیان و لێبوردەیی لەم هەرێمەدا دەگەڕێتەوە، کە سیمایەکی جوان و شارستانی بە کوردستان بەخشیوەو له ناوچەکەدا کەم وێنەیە.
لێبوردەیی و ئاشتی و پێكەوەژیان فەرهەنگی ھەزاران ساڵەی گەلی كوردستانە، هەوڵی زۆر دراوە بۆ لەناوبردنی ئەم بەها بەرزە، بەڵام لە هیچ بارو دۆخێکدا گۆڕانکاری بەسەردا نایەت و، هەرێمی کوردستان هەمیشە بە ناوەندی پێکەوەژیانی گشت نەتەوەو ئایین و ئایینزاکان دەمێنێتەوە.
ھەموو ئایین و بەها بەرزە ئینسانییەکان جەخت لەسەر پتەوکردن و قووڵکردنەوەی زیاتری تەبایی و پێکەوەژیان و لێبوردەیی دەکەنەوە، بۆیە دەبێ دامەزراوە پەروەردەیی و فەرهەنگییەکانیشمان گرنگی زیاتر بەو بوارە بدەن و، ھاندانی ئەم فەرهەنگە بەرفرەتر بکەن.
مسعود بارزانی
١٦/١١/٢٠١٨
