هه‌ڵسوڕاوێكی گۆران بۆهوشیار عه‌بدوڵا : باشتره غوسڵی سیاسی ده‌ربكه‌ن
سەفەر ئاوباری، ھەڵسوڕاوی بزووتنەوەی گۆڕان، لە هه‌ژماری تایبەتی خۆی لە تۆڕی کۆمەڵایەتی فەیسبووک نووسینێکی ڕەخنەیی لەسەر ھۆشیار عەبدوڵڵا، ئەندامی ئەنجوومەنی نوێنەرانی عێراق لە فراکسیۆنی گۆڕان، بڵاوکردووەتەوە و هێرشی کردووەتە سەری.
سەفەر ئاوباری، ھەڵسوڕاوی گۆڕان نوسیویه‌تی و ده‌ڵێت:”كه‌و به‌رامبه‌ر كه‌و ده‌خوێنێت من و تۆ مێژووی یەک باش دەناسین لە ناو گۆڕاندا، کۆمەڵێک پەرلەمانتار چ لە عێراق و لە هەرێمی کوردستان لە خۆشبڕوایی میڵەت و پەیژەی ڕۆژگاردا هەڵزناون بۆ سەرەوە ، ئەگەر لە وڵاتێکی ئەورووپی بوونایە بە پاسەوانی ئاژەڵانیش قبوڵ نەدەکران”.
لە بەشێکی تری نووسینەکەیدا هه‌ڵسوڕاوه‌كه‌ی گۆران ده‌شلێت:”باشتر وایە غوسلی سیاسی خۆتان دەرکەن ئەو مکیاژەی دەموچاویشت بە هەردوو دەستت پاک بشۆرە پاشان ناوی بەندە و هاوڕێکانی بێنە”.
