لە پاریس لە ئەنجامی بەریەككەوتنی خۆپیشاندەران و پۆلیس 71 كەس بریندار بوو 12 ئۆتۆمبێل سوتێنران
دوای ئەوەی شوفێرانی فەرەنسا لە بەرامبەر بەرزبوونەوەی نرخی سوتەمەنی وەك نارەزایەتیەك دەستیان بە خۆپیشاندانكرد, ئەمڕۆ لە پاریسی پایتەتی فەرەنسا, گرژیی و ئاڵۆزی لەنێوان خۆپیشاندەران و پۆلیس روویدا و چەندین ئۆتۆمبێل سووتێندران.
خۆپیشاندانەكان دژی گرانی نرخی سووتەمەنی وەك بەنزین و بژێویی ژیانن. بەگوتەی سەرۆكوەزیرانی فەرەنسا لانیكەم 36 هەزار كەس لە هەموو ناوچەكانی فەرەنساوە بەشداری خۆپیشاندانەكان بوون، كە زۆرینەیان لە پایتەخت بوون.
خۆپیشاندەران، كە بەشێكیان ماسكیان بەستووە، ژمارەیەك ئۆتۆمبێلیان سووتاند و بەردیان دەگرتە هێزە ئەمنییەكان، هێزەكانی پۆلیسیش رووبەڕوویان بوونەوە.
بەگوتەی ئیدوارد فلیپ، سەرۆكوەزیرانی فەرەنسا تەنیا لە پاریس 107 كەس دەستگیركراون. هەروەها 10 كەس برینداربوون كە سێیان پۆلیس بوون.
