خواكوڕك دواین زانیاری له‌باره‌ی پێكهێنانی حكومه‌ت و پشكی لایانه‌كان ئاشكرا ده‌كات
پاش كۆبوونه‌وه‌ی مه‌كته‌بی سیاسی پارتی و كاندید كردنی هه‌ریه‌كه له ” مه‌سرور بارزانی و نێچیرڤان بارزانی” بۆ سه‌رۆكایه‌تی حكومه‌ت و هه‌رێمی كوردستان له ئێستادا شاندی دانووستانكاری پارتی دیموكراتی كوردستان ده‌یانه‌وێت پێش كۆتایی ساڵی 2018 ده‌سته‌ی سه‌رۆكایه‌تی په‌رله‌مانی كوردستان و حكومه‌تی كوردستان هه‌ڵبژێرن، پاش سه‌ری ساڵیش پۆسته‌كانی وه‌زاره‌ته‌كان یه‌كڵا بكه‌نه‌وه”.
به‌گوێره‌ی زانیاریه‌كانی ده‌ستی خواكوڕك كه‌وتووه، شاندی دانووستانكاری پارتی ئه‌مرۆ دووشه‌ممه، كۆدەبینەوە و دواتر سەردانی لایەنەكان بۆ خۆ ئاماده‌كردن بۆ سه‌ردانی لایانه‌كان، بۆ پێكهێنانی حكومه‌تی هه‌رێمی كوردستان هه‌ر به‌گوێره‌ی زانیاریه‌كانی خواكورك پارتی دیموكراتی كوردستان له‌گه‌ڵ هه‌ریه‌كه له یه‌كێتی و گۆڕان كۆده‌بێته‌وه، رایه‌كی به‌هێزیش له‌ناو پارتی دا هه‌یه كه كۆمه‌ڵی ئیسلامی به‌شداری حكومه‌تی هه‌رێمی كوردستان پێنه‌كات، ئه‌مه‌ش به ئێرانیه‌كان گوتراوه، چونكه له چوار ساڵی رابردوو زیاتر ئێرانیه‌كان كۆمه‌ڵی ئیسلامیان ئاراسته كردووه، بۆیه پارتی به ئێرانی گوتووه، كه نیازی ئه‌وان له پێكهێانی حكومه‌ت زیاتر له‌گه‌ڵ یه‌كێتی و گۆڕانه”.
پاش كاندید كردنی هه‌ریه‌كه له ” مه‌سرور بارزانی بۆ سه‌رۆكی حكومه‌ت و نێچیرڤان بارزانی بۆ سه‌رۆكی هه‌رێم له ئێستادا هیچ بیانوێك بۆ دواكه‌وتنی گفتوگۆیه‌كان بۆ پێكهێانی حكومه‌ت نه‌ماوه،بۆیه وابریاره رۆژی سێشەممە شاندێكی پارتی بە سەرۆكایەتی ئازاد بەرواری سەردانی سلێمانی بكه‌ن و لەگەڵ یەكێتی كۆدەبنەوە و پاشان دەچنە گردی زەرگەتە بۆ كۆبوونەوە لەگەڵ بزووتنەوەی گۆڕان، هه‌ر به‌گوێره‌ی زانیاریه‌كان شاندی دانووستانكاری پارتی له گه‌ری دانووستاندنه‌كانی دا له‌گه‌ڵ یه‌كێتی له‌سه‌ر بنه‌مایی 50 به 50 نابێت، شانده‌كه‌ش له‌سه‌ر ئه‌و بنه‌مایه دانووستاندن ناكات، بۆیه شاندی پارتی دوو پاكێجی پێیه،سەرەتا كار بۆ ئەوە دەكرێ پێش كۆتایی ئەمساڵ دەستەی سەرۆكایەتی پەرلەمان و حكومەت یەكلا بكرێتەوە، دواتر وردەكارییەكانی پێكهێنانی حكومەت دەبێتە پاكێجی دووەمی دانوستاندنەكان كە ئەویش لە دوای پشووی سەری ساڵەوە دەستپێدەكات”.
هه‌ر له‌و باریه‌وه، هێڤیدار ئه‌حمه‌د ده‌لێـ”نەرمبڕیی پارتی لە دانوستاندنەكان بۆ ئەوە دەگێڕێتەوە كە پارتی نایەوێ 23ـی حوزەیران دووبارە ببێتەوە و هەوڵی زۆر دەدات بۆ ئەوەی بە رێككەوتن سەرۆكایەتییەكان و پۆستەكان دیاریی بكرێن “بەڵام لەنێو پارتی رایەك هەیە كە حەزی لە بەشداریی كۆمەڵی ئیسلامی نییە، بەڵام ئەوە بڕیاری كۆتایی و فەرمی نییە و شاندی دانوستاندكار بە گفتوگۆ ئەوە یەكلایی دەكاتەوە”.
به‌گوێره‌ی زانیاریه‌كانی كه‌ناڵی رووداو، پەیوەندی تەلەفۆنی نێوان حیزبەكان لە ماوەی رابردوودا، بەشێكی بۆ جەختكردنەوە بووە لەسەر ئەوەی دەستەی سەرۆكایەتی دیاری بكرێت و دوای هەڵبژاردنی دەستەی سەرۆكایەتی و لیژنەكانی پەرلەمان، سەرۆكایەتی پەرلەمان بەربژێری پارتی بۆ وەرگرتنی پۆستی سەرۆكی حكومەت راسپێرێ بۆ پێكهێنانی كابینەی حكومەتەكەی، بەڵام پارتی دەیەوێ لەگەڵ پرسی دەستەی سەرۆكایەتی پەرلەماندا، پۆستەكانی حكومەتیش لە گرێ و گۆڵی ناكۆكی نێوان حیزبەكانیش دەربهێنێ، بۆ ئەوەی كاتێك بەربژێرەكەی رادەسپێدرێت، نیوەی رێگاكەی بڕیبێت.
هه‌ر به‌گوێره‌ی زانیاریه‌كانی ئه‌و ئه‌ندام په‌رله‌مانتاره‌ی پارتی (هێڤیدار ئه‌حمه‌د) دابەشكاریی وەزارەتەكان بەشێوەیەكە “پارتی 9 وەزارەت و یەكێتی 5 وەزارەت و بزووتنەوەی گۆڕان 3 وەزارەت و توركمانە و كریستیانەكانیش هەریەكە و وەزارەتێكیان بەردەكەوێ، بەڵام هێشتا ئەوە روون نییە كە كام وەزارەتانەیە، بەڵام جارێكی تر یه‌كێتی ئیستحقاقی هه‌ڵبژاردن و پێگه‌ی كورسی یه‌كێتی ره‌د ده‌كاته‌وه، له‌و باره‌یه‌وه ئه‌ندامێكی سه‌ركردایه‌تی یه‌كێتی ده‌لێـ” دابەشكردنی پۆستەكان لەسەر بنەمای خاڵ لای ئەوان رەتكراوەیە”.
