شه‌پۆلێكی تری به‌هێزی باران بارین له‌كوردستان ده‌ست پێده‌كات

به‌گوێره‌ی زانیاریه‌كانی به‌رێوه‌به‌ری گشتی كه‌شناسی و بوومه‌له‌رزه‌زانی هه‌رێمی كوردستان له‌ رۆژانی چوارشممه‌ و پێنجشه‌ممه‌، شه‌پۆلێكی تری باران بارین و به‌فر بارین له‌ هه‌رێمی كوردستان ده‌سپێده‌كات، راشی ده‌گه‌ێنێت، كه‌ زۆرترین باران بارین له‌ شارۆچكه‌كانی مێرگه‌سۆر و دینارته‌ و هێران باریوه‌”.

ئه‌و به‌رێوه‌به‌ره‌ی كه‌شناسی به‌خواكوڕكی راگه‌یاندووه‌، كه‌ جارێكی تر باران و به‌فرێكی زۆر له‌رێگایه‌ و له‌ رۆژانی چوارشه‌ممه‌ و پێنجشه‌ممه‌ی ئه‌و هه‌فته‌یه‌، بارانبارین و به‌فربارین له‌ناوچه‌ شاخاوییه‌كان ده‌ستپێده‌كاته‌ه‌، تاوه‌كو ئێستاش زۆرترین باران بارین له‌ پارێزگای دهۆك بووه‌، ده‌شلێـ” له‌ دهۆك 655.6 ملیم بارانی لێ باریوه‌، دوای ئه‌وه‌ش له‌ شارۆچكه‌ی هێران سه‌ر به‌ پارێزگای هه‌ولێر دێت، كه‌ رێژه‌ی 535 ملیم باران لێباریوه‌”.

هه‌ر به‌گوێره‌ی زانیاریه‌كانی فازڵ ئیبراهیم بەڕێوەبەری گشتی كەشناسی ‌و بوومەلەرزەزانی هەرێمی كوردستان له‌باره‌ی كۆی گشتی باران بارین له‌ هه‌رێمی كوردستان گوتیشی لە هەولێر 285.7، لە سلێمانی 379.5، ‌لە دهۆك 370.3،‌ لە هەڵەبجە 335 ‌و لە كەركووكیش 206.4ملیم باران باریوە.