له باڵه‌كایه‌تی مانگایه‌ك گه‌نجێك ده‌كوژێت
به‌رێوه‌به‌ری نه‌خۆشخانه‌ی قه‌سرێ رایگه‌یاندووه، گه‌نجێك به‌ناوی ئه‌مین عه‌بدولره‌حمان ته‌مه‌نی 25 ساڵ ئه‌مرۆ چۆته سه‌ر شاخێك بۆ رزگار كردنی مانگایه‌ك كه له‌م شاخه گیری خواردووه، به‌ڵام مانگاكه خۆی پێدا ده‌كێشێت و له‌شاخ فرێی ده‌داته خواره‌وه”.
سه‌لاحه‌دین مه‌لا به‌رێوه‌به‌ری نه‌خۆشخانه‌ی قه‌سرێ هه‌روه‌ها رایگه‌یاندووه، ئه‌مین عه‌بدولره‌حمان ته‌مه‌ن 25 ساڵه ئه‌مرۆ هێنراوه‌ته نەخۆشخانەکەمان کە تووشی خوێنبەربوونی مێشک و دەم و لووتی بووە و لەھۆش خۆشی چووە، دوای نیو کاژێر مانەوەی لە نەخۆشخانە، گیانی لەدەستداوە”.
هه‌روه‌ها گەنجەکە دانیشتووی قەسرێی سەر بە قەزای چۆمانە. لەو ناوچەیە ھەر رۆژە و ماڵێک مانگا دەباتە دەرەوە ئەمڕۆ سەرەی ئەو گەنجە بووە کە مانگای ئەو شارۆچکەیەی بردووەتە گاڕان، به‌ڵام تووشی ئه‌م رووداوه بووه”.
