راوێژكارێكی كۆشكی سپی: له داهاتوو دا هه‌ولێر رۆڵێكی گه‌وره دژی تیرۆر ده‌گێرێت
ئه‌نیال بێنه‌یم، راوێژكاری پێشووی كۆشكی سپی بۆ كاروباری رۆژهه‌ڵاتی ناوه‌راست و باكوری ئه‌فریقا، له‌میانی به‌شداری كردنی له به‌رنامه‌ی به‌كاتی واشنتنی كه‌ناڵی رووداو، ئاشكرا كرد كه، بریاری پاشه‌كشه‌ی ئه‌مریكا له رۆژئاوایی كوردستان و سوریا، پەیامێکی نەرێنی لەبارەی ئەمریکاوە دەگەیەنێت و گوتی “ئەم بڕیارە هانی ئێران دەدات، کە هەوڵی دەدا بە هەموو ئەکتەرەکان بڵێت لە ناوچەکە لە سلێمانی، هەولێر، بەغدا، دیمەشق، دێرەزوور و سەنعا، کە ئەمریکا دێت و دەڕوا و ناکرێت متمانەی پێبکرێت، پێموایە ئەو پەیامە دەگەیەنن بە هەموو هاوبەشەکانیان لە رۆژهەڵاتی ناوەڕاست”.
هه‌روه‌ها ئه‌و راوێژكاره‌ی پێشووی ئه‌مریكا ده‌شلێـ”رۆڵی هەرێمی کوردستان لە شەڕی دژی تیرۆرزمدا گرنگتر دەبێت. دەڵێت، کشانەوەی ئەمریکا لە سووریا، کاریگەری لەسەر هەرێمی کوردستانیش دەبێت و لە ئەگەری هێرشی توركیا، رەنگە هەرێمی كوردستان رووبەڕووی قەیرانێکی پەنابەران ببێتەوە، هه‌روه‌ها ده‌شلێـ”کشانەوەی ئەمریکا مانای تێدایە بۆ هەرێمی کورستان، یەکەم ئەوەیە: ئەم شەڕە قورستر بووە وەک لە رۆژێک یان دوو رۆژ پێش ئێستا، چونکە هاوبەشە سوورییەکان لەم شەڕەدا دابەش و لاواز دەبن. دووەم مانا ئەوەیە رۆڵی هەرێمی کوردستان لە شەڕی تیرۆریزمدا لە ئاییندەدا گرنگتر دەبێت”.
هه‌روه‌ها ئه‌و راوێژكاره له‌باره‌ی توركیای دوای كشانه‌وه‌ی ئه‌مریكا ده‌لێـ”تورکیا هەمیشە ئەوەی ویستووە کە ئەمریکا لە کورد دووربکەوێتەوە لە سووریا، بەڵام بە نەمانی ئەمریکا رەنگە ئەو هێزانە چەکەکانیان بەرەو رووی تورکیادا بسوڕێنن و ناوچەکانی باشووری رۆژهەڵاتی تورکیا ناسەقامگیر بکەن، بۆیە رەنگە ئەوەی تورکیا چەند ساڵێک بوو دەیویست، زۆر خراپتر بێت لەوەی کە پێشتر هەیبوو”.
