بەر پرسێكی دیكەی كورد لە كەركووك لە كارەكەی لادرا
دوای خیانەتی 16ـی ئۆكتۆبەر كە گرووپێكی یەكێتی كەركوك و بەشێكی زۆری خاكی كوردستانیان رادەستی حەشدی شەعبی و سوپای پاسداران كرد, پارێزگاری شەرعی شارەكە لە كار دوورخرایەوە پارێزگارێك بەسەر كەركووك دا سەپێندرا كە لەو كاتەوە تەعریب لە شارەكەدا دەستی پێكردووە هەروەها بە دەیان بەرپرسی كورد لە بەرپرسیارێتیان دوورخرانەوە كەسی دیكەی عەرەب لە شوێنیان داندراوە, لە دوای دەست بەكار بوونی كابینەی نوێی عێراق وەزیری وەزش و لاوان بەر پرسێكی كوردی لە كار دوور خستەوە كەسێكی بە رەگەز عەرەب لە جێگەی دانا.
ئەحمەد ڕیاز وەزیری وەرزش و لاوانی عێراق بە نوسراوێك كە وێنەیەكی دەست وێستگە نیوز كەوتووە بڕیاری داوە بە دورخستنەوەی ناسح جابر عەلی بەڕێوەبەری وەرزش و لاوانی پارێزگای كەركوك لە پۆستەكەی.
لە نوسراوەكەدا كە واژۆی وەزیری وەرزش و لاوانی لەسەرە، ئەحمەد ڕەجەب داود كە بە ڕەگەز عەرەبە ڕاسپێردراوە بۆ جێگرتنەوەی بەرپرسە كوردە لابراوەكە.
دوای ئەوەی بەهۆی ڕوداوەكانی شانزەی ئۆكتۆبەرەوە ئیدارەی كەركوك كەوتە دەست لایەنە عەرەبیەكان، تا ئێستا زیاتر لە ٥٠ بەرپرسی كورد لە پۆستەكانیان دورخراونەتەوە.
