دوای دەستگیركردنی حەیدەر عەبادی داوای مافی پەنابەرێتی لە هەولێردەكات, بەڵام داواكەی رەتكراوەتەوە
دوای ئەوەی ئەمڕۆ هێزێكی پۆلیس سەر بە سەرۆكایەتی وەزیران بۆ جالی دووەم چووەنە سەر ماڵی حەیدەر عەبادی لەناوچەی سەوز و خۆی و هاوسەرەكەیان بۆ ماوەیەك دەستبەسەر كردوەو دواتر ماڵەكەیان پێ چۆڵ كردوە بەو هۆیەشەوە خێزانەكەی دۆخی دەروونی شڵەژاوە.
عەلی سنەید، سەركردە لە ئیئلایتلافی نەسڕ، بە سكای نیوزی راگەیاند هێزەكە دووجار چوونەتە سەر ماڵی عەبادی و داوای چۆڵكردنی ئەو خانوە حكومیەیان لێ كردوە كە تەییدا بووە، جارێكیش بۆ ماوە سەعاتێك لەناو خانوەكەی دەستبەسەریان كردوە بەڵام دواتر بردراون بۆ شوێنێكی تر.
ئەو سەركردەیە گوتیشی “بەرپرسی دەستەی پاسەوانانی عادل عەبدولمەهدی، چووەتە سەر ماڵی عەبادی، بۆیە ئێمە گلەییمان لە سەرۆك وەزیران هەیە، كە چۆن ڕێگە دەدات بەو شێوەیە مامەڵە بكات، هەرچەندە پێش مانگێك زیاتر عەبادی ئەو ڤێلایەی ڕادەست كردووەتەوە”.
هەروەها لە تۆڕە كۆمەلایەتە عەرەبیە عێراقیەكان وچەند ماڵپەڕێك دوای ئەوەی كە حەیدەر عەبادی و هاوسەرەكەی ئازادكران, داوایان لە هەرێمی كوردستان و بە تایبەت هەولێری پایتەخت كردووە كە مافی پەنابەرێتی پێبدەن بەڵام لە لایەن هەرێمی كوردستانەوە داواكاریەكەی رەتكراوەتەوە.
