پارتی داوایەکی یەکێتی ڕەتکردەوە
دوای ئەوەی رێباز بێركۆتى كادیری پێشکەوتووی یەكێتی نيشتمانى كوردستان جه‌ختى له‌سه‌ر داواكارييه‌كى پێشووى يه‌كێتى كرده‌وه و رايگه‌ياند، يه‌كێتى ده‌يه‌وێت سەرجەم پرسەكانی بەغدا و كەركووك و گفتوگۆکانی پێکهێنانی کابینەی نوێ بەیەك پاكێج گفتوگۆیان لە بارەوە بكرێت.
لەبارەی داواکاریه‌كەى يه‌كێتى، فراكسيۆنى پارتى ديموكراتى كوردستان داواى كردووە، لایەنەكان پرسی بەغدا و كەركووك تێكەڵ بە گفتوگۆكانی پێكھێنانی كابینەی نوێی حكومەت نەكەن.
هەروەها فراكسیۆنی پارتی ديموكراتى كوردستان لە پەرلەمانی کوردستان داواى لە لایەنە سیاسییەكان كرد، لە گفتوگۆكانی پێكھێنانی كابینەی نوێدا پەلە بكەن.
