ئێران دوای سزاكان ئەمریكا مامەڵەی بازرگانیمان لەگەڵ عێراق زیادی كردووە
![](https://xwakurk.com/wp-content/uploads/2019/01/1-16.jpg)
لەگەڵ ئەوەی ئەمریكا 12 خاڵی وەك سزا بەسەر ئێراندا سەپاند, هەروەها هۆشداری دایە زۆربەی وڵاتان كە بازرگانی لەگەڵ ئێراندا نەكن بەڵام ئێران رایگەیاندووە ئاستی ھەناردەكانی ئێران بۆ عێراق لەماوەی تەنھا 9 مانگدا، گەیشتووەتە 7 ملیار دۆلار.
بەگوێرەی راپۆرتێكی دەستەی گومرگەكانی ئێران، ئەو وڵاتە لە سەرەتای مانگی ئادارەوە تاوەكو كۆتاییەكانی كانوونی یەكەمی ساڵی 2018، بە بەھای 7 ملیار دۆلار، كەلوپەلی ھەناردەی عێراق كردووە.
ھەر بەپێی راپۆرتەكە ، سەبارەت بە عێراق ، ئێران تەنھا لە 9 مانگدا 86 ملیۆن و 940 ھەزار تۆنی كەلوپەلی نا نەوتی بە بەھای 33 ملیار و 358 ملیۆن دۆلار ھەناردەی عێراق كردووە.
بەمەش بەرێژەی زیاتر لە 5% گەشەسەندنی تۆماركردووە بە بەراورد بەھەمان ماوەی ساڵی پێشووتری، بەوەش عێراق لە پێشەوەی ھەموو وڵاتانی دیكەدا دێت كە لە لیستی ھاوردەكارانی كەلوپەلی نانەوتی لە ئێران و دواتریش ھەر یەك لەچین، ئیمارات، ئەفغانستان و توركیا دێن.