سێ مانگ به‌سه‌ر هه‌ڵبژاردنه‌كاندا تیپه‌ڕیووه‌و یه‌كێتی ڕێگره‌ له‌به‌رده‌م پێكهێنانی كابینه‌ی نوێ دا

سەرجەم فراکسیۆنەکانی پەرلەمانی كوردستان داوای په‌له‌كردن له‌ پێكهێنانی كابینه‌ی نۆیه‌م ده‌كه‌ن. یەکێتی چاوی له‌سه‌ر ڕێكه‌وتنێكی تازه‌یه‌ له‌گه‌ڵ پارتی دیموكراتی كوردستان .

ئێستا سێ مانگ به‌سه‌ر ئه‌نجامه‌كانی هه‌ڵبژاردنی په‌رله‌مانی كوردستان تێپه‌ڕیووه‌ و دەستەی سەرۆکایەتی پەرلەمان هه‌ڵنه‌بژێردراوه‌و هه‌ڵبژاردنی سه‌رۆكایه‌تی په‌رله‌مانی كوردستان یەکەم هەنگاوی پێکهێنانی حکوومەتی نوێ دەبێت، بەڵام فراکسیۆنەکان نەگەیشتوونەتە رێککەوتن .

بەپێى زانیاریيەکان، بەم نزیکانە شاندی پارتی دیموکراتی کوردستان بە مەبەستی ده‌ستپێكردنه‌وه‌ی گفتوگۆ بۆ پێکهێنانی حکوومەت لەگەڵ یەکێتی و  گۆڕان کۆدەبێتەوە، رێکنەکەوتنی لایه‌نه‌كان له‌سه‌ر پێكهینانی كابینه‌ی نوێ دەگەڕێتەوە بۆ یەکێتی، کە دەیەوێت لەگەڵ پارتی لەسەر کەرکووك و بەغدا و پۆستەکانی حکوومەتی هەرێمی کوردستان یەک پاکێج بێت.