لە ژاپۆن ماسییەكی توونە لە جۆری بلوفین بە 3 ملیۆن دۆلاری ئەمریكی فرۆشرا

لە بازاڕی ماسی تۆكیۆ لە ژاپۆن ماسییەكی توونە لە جۆری بلوفین بە 3 ملیۆن دۆلاری ئەمریكی فرۆشرا.

ماسییەكە،كێشی 278 كیلۆگرام بووەو نرخەكەی گەیشتووەتە 3.1 ملیۆن دۆلار و لەلایەن  كیۆشی كیمۆرا، خاوەنی كۆمپانیای “كیمۆرا” كە خاوەندارێتی زنجیرەی چێشتخانەكانی ” سوشی زانمای” دەكات كڕدرا.

بەو نرخە نوێیەش، كیمۆرا كە بە ” پادشای تونە” ناسراوە، ژمارە پێوانەییەكەی خۆی شكاند كەلەساڵی 2013 دا تۆماری كرد، كاتێك بەهەمان شێوە ماسییەكی تونەی بە 1.4 ملیۆن دۆلار كڕی.

كیۆشی كیمۆرا، خاوەنی كۆمپانیای “كیمۆرا”  بەفرانس پرێسی ڕاگەیاند:” هەرچەندە نرخی ئەو ماسی تونەیە زۆر لەوە زیاتر بووە كە پێشبینی كردووە، بەڵام خوازیارم كڕیارەكانمان تامێكی خۆشی ئەو ماسییە نوێیە بكەن و چێژی لێ بكەن.”