بەم خواردنانە چارەسەری شەقیقە بکە
زۆر کەس بەدەست لاسەرئێشەوە (شەقیقە) دەناڵێنن و ئەوەش ژیانی لێ تاڵ کردوون و نازانن چی بکەن بۆ چارەسەرکردنی.
سیستەمی خۆراکی زۆر گرنگە بۆ ئەو کەسانەی کە لا سەرئێشەیان هەیە و پێویستە بایەخی زیاتر بدەن بە هەندێک خواردن و هەندێکیش کەمتر بخۆن، ئەو ڕێنماییە خۆراکییانەش بریتین لەمانەی خوارەوە:
１- کحول: نابێت بەهیچ شێوەیەک بیخۆنەوە چونکە ژمارەی جارەکانی لاسەرئێشە زیاددەکات و هانی دەدات بۆ ئەوەی دەستپێبکات.
２- قاوە و ئەو خواردنەوانەی کافاینیان تێدایە: نابێت هیچ کات بیانخۆنەوە چونکە تووشی ئالودەبوونیان دەبێت و ئەوەش وادەکات ئازاری سەریان هەبێت و گەر نەخورێنەوە و زۆر جار ئازاری شەقیقەکە دروست دەکەن.
３- گۆشتی تازە: بایەخێکی زۆر بدەن بە خواردنی مریشک، گۆشتی گا و ماسی، ئەوانەش یارمەتی هێوربوونەوە دەدەن، بەڵام دەبێت بەکوڵاوی بیخورێت نەک ببرژێنرێت.
４- میوە ترشەکانی وەک سندی و پرتەقاڵ و لیمۆ: نابێت بخورێن چونکە هاندەری شەقیقەن و چەندین کەس دوای خواردنی پرتەقاڵ ئازاری شەقیقەکەیان بۆ دروست بووە و پێویستە خۆیان لێ بەدووربگرن.
５- خواردنەوەی سارد: نابێت بخورێنەوە چونکە دەتوانن ببنە هۆی دروستبوونی ترپەی ئازاری شەقیقە و ئەوەش بێزارکەرە.
