ھەوای گەرم پێنج ھێندەی ھەوای سارد زیانی بۆ تەندروستی مرۆڤ ھەیە
کەش و ھەوای گەرم پێنج ھێندەی کەش و ھەوای سارد کاریگەری نەرێنی لەسەر تەندروستی مرۆڤ دروست دەکات.
لەتوێژینەیەکدا کە لەلایەن ژماریەک لە زانایانی زانکۆی “ھارفرد”ی ئەمریکیەوە ئەنجام دراوە و ئامانج لێی دەرخستنی زیانەکانی سەرما و گەرما بووە لەسەر جەستەی مرۆڤ ، دەرکەوتووە کە ھەوای سارد زیانی کەمتری بۆ تەندروستی مرۆڤ ھەیە بەو پێیەی ھەوای سارد بەکتریای زیان بەخش بڵاوناکەتەوە و ھەستکردن بە ئازار کەمدەکاتەوە ، ھەورەھا بەرگری لەش زیاتر دەکات و سودێکی زۆریشی بۆ توشبوانی نەخۆشی دڵ و خوێن ھەیە و ھەروەک ھەستکردن بە ئازار بە تایبەت سەر ئێشە کەم دەکاتەوە.
لە توێژینەوەکەدا تاقیکردنەوە لەسەر ژمارەیەک مشکی تاقیگە ئەنجام دراوەو و لە ئەنجامدا دەرکەوتووە کە جگە لەو سوودانە، ھەوای سارد رۆڵێکی گرنگی لە دابەزاندنی کێشی مرۆڤدا ھەیە.
ئەوەش ئاشکراکراوە کە ھەوای گەرم پێنج ھێندەی ھەوای سارد زیانی بۆ تەندروستی مرۆڤ ھەیە.
