کەش و ھەوای ئەمڕۆ و سبەی شارەکانی کوردستان
ئەمڕۆ سێ شەممەبەڕێوەبەرایەتی گشتی کەشناسی و بوومەلەرزەزانی ھەرێمی کوردستان پێشبینییەکانی کەشوھەوای 48 کاتژمێری داھاتووی بڵاو کردەوە و تێیدا ئاماژە بەوە کراوە، ئەمڕۆ لە ھەولێر و سلێمانی ئاسمان ساماڵ و پەڵە ھەور دەبێت، لە ناوچە شاخاوییەکانیشدا ئاسمان نیمچە ھەور دەبێت، لە دھۆک ئاسمان نیمچە ھەور دەبێت، لە کەرکووکیش ئاسمان ساماڵ و پەڵە ھەور دەبێت.
کەشناسیی ھەرێمی کوردستان ئەوەشی خستووەتە ڕوو، سبەی چوارشەممە ، لە سەرجەم پارێزگاکانی ھەرێمی کوردستان ئاسمان ساماڵ و پەڵە ھەور دەبێت، لە کاتەکانی دوای نیوەڕۆ بۆ نیمچە ھەور دەگۆڕێت، لە کاتەکانی ئێوارەشدا بۆ ھەوری تەواو دەگۆڕێت، ئەگەری بارانبارین ھەیە، لە ناوچە شاخاوییەکانیشدا ئەگەری بەفربارین ھەیە.
