شاندی پارتی له‌گه‌ڵ بزوتنه‌وه‌ی گۆڕان كۆبووه‌وه
ئەمڕۆ سێشەممە 15ی1ی2019 شاندی دانوستاندنکاری پارتی دیموکراتی کوردستان بۆ گفتوگۆکردن لەبارەی پێکهێنانی کابینەی نۆیەمی حکومەتی هەرێمی کوردستان گەیشتە شاری سلێمانی و سه‌ردانی مەکۆی سەرەکی بزووتنەوەی گۆڕان كردو ئێستا لە کۆبوونەوەدان.
لە دوای ئەنجامی هەڵبژاردنەکانی 30ـی ئەیلوولی 2018 بۆ چواره‌مین جاره پارتی دیموكراتی كوردستان سه‌ردانی بزوتنه‌وه‌ی گۆڕان ده‌كات .
نێچیرڤان بارزانی، جێگری سەرۆکی پارتی دیموکراتی کوردستان سەرۆکایەتی شاندی دانوستاندنکاری پارتی دەکات و ئەندامانی دیکەش پێکهاتوون لە: د. رۆژ نووری شاوێس، هۆشیار زێباری، عیزەدین بەروای، ئازاد بەرواری، جەعفەر ئیمنکی، دڵشاد شەهاب، هێمن هەورامی و فرست سۆفی.
شاندی بزووتنەوەی گۆڕانیش پێکهاتوون لە: جەلال جەوهەر، شۆڕش حاجی، مستەفا سەیدقادر، هوشیار عومەر، عەلی حەمە ساڵح و ئاراس وەلی.
زیاتر له سێ مانگ بەسەر هەڵبژاردنی پەرلەمانی كوردستاندا تێپەڕیووە، بەڵام تاوەکو ئێستا لایەنە سیاسییەکانی باشووری کوردستان نەیانتوانیووە حکومەت پێکبهێنن.
