باره‌گای بارزانی سه‌ره‌خۆشى له خانه‌واده‌ى ته‌ڵعه‌ت سامان ده‌كات
تەڵعەت سامان ده‌رهێنه‌ر و شانۆكار بەهۆی رووداوێكی هاتووچۆوە لەسەر رێگە هەولێر – پیرمام لە تەمەنی 74 ساڵیدا گیانی لەدەستدا.
باره‌گاى بارزانى له پرسه نامه‌يه‌كدا سه‌ره‌خۆشى له خانه‌واده‌ى ته‌ڵعه‌ت سامان شانۆكار و ده‌رهێنه‌رى كورد ده‌كات.
ده‌قى پرسه نای باره‌گانی بــارزانــی
به‌ناوی خودای گه‌وره و میهره‌بان
به‌ڕێزان له خانه‌واده‌ی خوالێخۆشبوو ته‌لعه‌ت سامان
به‌بیستنی هه‌واڵی کۆچی دوایی ده‌رهێنه‌ر و شانۆکاری دیاری گه‌له‌که‌مان (ته‌ڵعه‌ت سامان) دڵگران بووین.
له کایه‌ی هونه‌ری کوردی و به‌تاییه‌تی مێژووی شانۆی کوردی ناوی مامۆستا ته‌ڵعه‌ت و کاره جوانه‌کانی بۆ خزمه‌تی میلله‌ته‌که‌ی و ره‌وتی هونه‌ری شانۆیی هه‌میشه به به‌رزی ده‌مێنێته‌وه.
به‌م بۆنه خه‌مناکه‌وه هاوبه‌شی خه‌می خانه‌واده به‌ڕێزه‌که‌تانین و سه‌ره‌خۆشیمان ئاراسته‌ی ئێوه و هونه‌رمه‌ندان و هونه‌ردۆستانی کوردستان ده‌که‌ین.
له خودای مه‌زن داواکارین ئارامی و دڵنه‌وایی ببه‌خشێت به هه‌موو لایه‌ک و خوالێخۆشبوو به به‌هه‌شتی به‌رینی خۆی شاد بکات.
انا لله وانا الیه راجعون
باره‌گای بارزانی
