حكومهتی ههرێم ئامادهیه بۆ گفتوگۆ لهگهڵ بهغدا
![](https://xwakurk.com/wp-content/uploads/2019/01/harem-and-iraq.jpg)
حكومهتی ههریمی كوردستان لهبارهی یهكلاكردنهوهى پشكى ههرێمى كوردستان له پرۆژە یاسای بودجهى گشتى عێراق بۆ ساڵى ۲۰۱۹ ئامادهیه دهست به گفتوگۆ بكات لهگهڵ حكومهتی عێراق.
بهپێی زانیارییهكانی ” خـواكـوڕك” ، نێچیرڤان بارزانى سهرۆكى حكومهتى ههرێمی كوردستان ، رێباز حهملان وهزیرى دارایی راسپاردووه ئامادهبیت و شاندێك بنێرێته بهغدا بۆ گفتوگۆكردن لهگهڵ حكومهتى عێراق.
هاوكات راسپاردنى وهزیرى دارایی بۆ ئهوه بووه، گفتوگۆ لهگهڵ وهزارهتى دارایی عێراق و لیژنهى دارایی پهرلهمانى عێراق بكهن، بۆ ئهوهى پرسى پشكى ههرێم ی كوردستان لهبودجهى گشتى یهكلابكهنهوه.
بودجهى گشتى عێراق لهئێستادا وهك پرۆژه لهلایهن ئهنجوومهنى وهزیرانهوه ئامادهكراوهو لهبهردهم لیژنه تایبهتهكانى ئهنجوومهنى نوێنهرانه بۆ گفتوگۆ، كه پشكى ههرێم لهو پرۆژهیه به ۱۲.6۷% دیاریكراوه.
ئهو سهرچاوهیه ئهوهشى ئاشكراكرد، ههولێر دهیهوێت رێككهوتنێك لهگهڵ بهغدا لهو بارهوه واژۆ بكات، بۆ ئهوهش شاندهكه بهم نزیكانه دهست بهگفتوگۆ دهكات، پێشتریش لهو بارهوه چهند گفتوگۆیهكى نافهرمى ئهنجامدراوه.