بەم شەربەتە چارەسەری سەرئێشە و شەقیقە بکە
بەدەست سەرئێشەی درێژخایەن و بەئازارەوە دەناڵێنیت و زوو زوو ڕووبەڕووی ئازاری شەقیقە دەبیتەوە و چارەسەرێکی بنەڕەتیت تا ئێستا نەدۆزیتەوە، بەکارهێنانی حەب و دەرمانیش بەشێوەیەکی بەردەوام زیان بە تەندروستی بەتایبەت جگەر دەگەیەنێت.
لێرەدا باس لە شەربەتێک دەکەین کە سروشتییە و لە سەوزە دروست دەکرێت، چارەسەرێکی زۆر باشە بۆ ئازاری شەقیقە و هەمیشە کەرەستە سروشتییەکان هەڵبژاردەیەکی باشترن لە بەکارهێنانی دەرمان و ماددە کیمیاوییەکان.
ئەم شەربەتە سەوزە دەوڵەمەندە بە مەگنیسیۆم و کالسیۆم و زۆربەی کانزاکانی تێدایە کە ڕێگرە لە سەرئێشە و لە ماوەی چەند خولەکێکدا سەرئێشەکە دەوەستێنێت، هۆکاری ئەمەش دەگەڕێتەوە بۆ دەوڵەمەند بوونی خوێن بەو کانزایانە و وەرگرتنی شلەمەنی لەلایەن جەستەوە.
هۆکارەکانی شەقیقە زۆرن وەک فشار و دڵەڕاوکێ، دانیشتن یان خەوتن بە شێوازێکی هەڵە، خواردنی ناتەندروست، گرژی باری سۆزداری و پیسیی ئەو ژینگەیەی تێیدا دەژیت.
کەرەستەی پێویست بۆ دروستکردنی شەربەتەکە:
پێنج چڵ کەرەوز
یەک لیمۆی سەوزی بچووک
یەک خەیار
٣-٤ کوپ سپێناخ
٢-٣ سانتیم زەنجەفیل
یەک کوپ مەعدەنووس
دوو سێوی سەوز
شێوازی ئامادەکردن:
هەموو کەرەسەتەکان تێکەڵ بکە و لە عەسارەی بدە تاوەک دەبێتە شەربەت و بە فرێشی بیخۆرەوە بۆ ئەوەی باشترین سوود ببینیت.
