له تۆمارێكی ڤیدیۆییدا جه‌لال تاڵه‌بانی ڕه‌خنه له پێشه‌وا قازی محه‌مه‌د ده‌گرێت
له تۆمارێكی ڤیدیۆیدا جەلال تاڵەبانی سکرتێری کۆچکردوی یەکێتی نیشتمانی کوردستان،به‌راوردكاری له نێوان شۆڕشه‌كانی كورد ده‌كات و ڕه‌خنه‌یش له پێشه‌وا قازی محه‌مه‌د ده‌گرێت .
سكرتێری كۆچكردووی یه‌كێتی له تۆماره ڤیدیۆییه‌كه‌دا ده‌ڵێت :” نەدەبوو ئەو کۆمارە ڕاگەیەندرابا و بیانهێشتبا کۆمەڵەی ژیانەوەی کورد و حزبی دیموکراتی کوردستان گەشەیان کردبا.”
له به‌شێكی تری تۆماره ڤیدیۆییه‌كه‌دا جه‌لال تاڵه‌بانی سكرتێری كۆچكردووی یه‌كێتی ده‌شلێت :” لە کورستانی ئیران بە زۆر قازی محەمەدیان هێنا و لەو پۆستەیان دانا، هەروەک لەلای خۆشمان زۆریان کەسیان لە هەندێ پۆست دانا کە خۆیان نەیاندەوسیت”.
هه‌روه‌ها جه‌لال تاڵه‌بانی ده‌شڵێ :” سەرکردایەتی حزبی دیموکراتی کوردستان ئاشبەتاڵی کرد و ئەگەر شا ئەو کارەی نەکردبا و بڕیای لەسێدارەدانی پێشەوای نەدابایە، دەبوا مێژووی کورد بە ئاشبەتاڵ و شتێکی دیکە ناوی بەرێ، پێشەوا بە قارەمانێتیی خۆی لە کاتی دادگاییکردن و پاشان بە ئامادەبوون لەپای سێدارە خۆی کڕییەوە، دەنا سەرکۆمارێک بچێت بەپیر لەشکری پاشایەتییەوە و مەڕی بۆ سەر ببڕیت، ئەمە چە مانایەکی هەیە؟”.
لە تۆماره ڤیدیۆیه‌كەدا جەلال تاڵەبانی دەشڵێت: “خەتی سۆڤیەت لە هەڵەدا بوون و پێیان وابوو کۆمەڵگەی کوردی هێشتا هەر عەشیرەییە و هێڵی سەرەکی هەر عێڵ و عەشیرەت ڕێبازی دیاری دەکات، بۆیە ئەو ئامانجەی لێ کەوتەوە”.
