ھادی عامری : عێراق پێویستی به ئه‌مه‌ریكا نییه
ھادی عامری سەرۆكی ھاوپەیمانی فەتح ، لە میانی كۆبوونەوەیەكی لەگەڵ ئەنجوومەنی باڵای رادیۆ و تەلەفزیۆنە ئیسلامییەكان ، ڕایگه‌یاند:” قۆناخی داھاتوو بنیاتنانەوەی عێراق و گەڕاندنەوەی پێگەكەیەتی لە ناوچەكە و جیھان”.
سەرۆكی ھاوپەیمانی فەتح گوتی :” عێراق پێویستی بە ھێزەكانی ئەمەریكا نییە و پێویستە وڵات جێبێڵن، ھەروەھا گوتیشی “سەرجەم پیلانەكانی ئەمەریكا لە عێراق شكستیان ھێناوە”.
ئەو گوتانەی عامری ھاوكاتە لەگەڵ دەنگۆی چوونی ھێزەكانی ئەمەریكا بۆ كەركووك، كە بەشێك لە لایەنە عەرەب و توركمانەكان دژایەتی خۆیان بۆ چوونی ھێزەكانی ئەمەریكا بۆ كەركووك دەربڕیووە.
