بارەگای بارزانی، سەرەخۆشی لە خانەوادەی ئەكرەمی ساڵحی رەشە دەكات
بە ناوی خودای گەورە و میهرەبان
بەڕێزان لە خانەوادەی ئەكرەمی ساڵحی رەشە
بە دڵگرانییەكی زۆرەوە هەواڵی كۆچی دوایی نووسەر و كەسایەتیی دیاری شاری سلێمانی (ئەكرەمی ساڵحی رەشە)مان پێگەیشت.
(ئەكرەمی ساڵحی رەشە) یەكێك لەو نووسەرانەیە، بە خامەكەی خزمەتێكی بەرچاوی بە مێژووی نەتەوەكەی كردووە و جێی دەستی لە نووسینەوەی مێژووی كوردستان و شاری سلێمانیدا دیارە.
بەم بۆنە خەمناكەوە، هاوبەشی خەممان بۆ خانەوادە بەڕێزەكەتان رادەگەیەنین و سەرەخۆشی ئاڕاستەی خزم و دۆستانتان و نوسەر و رۆشنبیرانی كوردستان دەكەین.
لە خودای گەورە داواكارین ئارامی و دڵنەوایی بەهەموو لایەك ببەخشێت و خوالێخۆشبوو بە بەهەشتی بەرینی خۆی شاد بكات.
اناللە وانا الیە راجعون.
بارەگای بارزانی
