هێزه ئه‌مریكییه‌كان سه‌رپه‌رشتی چه‌ك و جبه‌خانه‌ی هێزه عێراقییه‌كان ده‌كات
وێبسایتی سكای پرێسی عێراقی ، بڵاویكردووه‌ته‌وه، كاروانی هێزه سه‌ربازییه‌كانی ئه‌مه‌ریكا له فه‌ڵووجه ده‌سووڕێنه‌وه و ره‌زامه‌ندی لایه‌نه فه‌رمییه‌كانیشیان وه‌رگرتووه و سه‌رپه‌رشتی راهێنان به پۆلیسی قه‌زاكه ده‌كه‌ن.
وێبسایتی سكای پرێسی عێراقی ده‌ڵێت :” هێزه ئه‌مه‌ریكییه‌كان فه‌وجی یه‌كه‌می پۆلیسی فریاكه‌وتن به‌سه‌ر ده‌كه‌نه‌وه و سه‌رپه‌رشتی چه‌ك و جبه‌خانه‌كانیان ده‌كه‌ن”.
ئه‌وه له‌كاتێكدایه، كه له ئه‌نجوومه‌نی نوێنه‌رانی عێراقه‌وه، هه‌وڵ له ئارادایه له رێگه‌ی پرۆژه یاسایه‌ك، هێزه بیانییه‌كان له خاكی عێراق وه‌ده‌ربنرێن، له سه‌رووی هه‌مووشیانه‌وه هێزه‌كانی ئه‌مه‌ریكا.
