بینالی یڵدرم : ده‌نگی كورده‌كان كه‌وی ناو جانتا نییه مسۆگه‌ر بكرێت
دوای ئەوەی ئاکپارتی بڕیاریدا بینالی یڵدرم بۆ پۆستی سەرۆکی گەورەشارەوانیی ئیستەنبووڵ بەربژێر بکات، دەنگی ناڕەزایی لە پارتەکانی ئۆپۆزیسیۆن بەرزبووەوە ،ئۆپۆزسیۆن ئەوە بە یاسایی نازانێت و داوادەکات یڵدرم چی زووە دەست لە سەرۆکایەتیی پەرلەمان بکێشێتەوە. بەرپرسانی ئاکپارتیش دەڵێن کارەکەیان یاساییە.
بینالی یڵدرم، سه‌رۆكی په‌رله‌مانی توركیا له دیمانه‌یه‌كدا له‌گه‌ڵ كه‌ناڵی CNNـی تورك، رایگەیاند: ” لەوکاتەی پارتەکەم بە فەرمی بەربژێرم دەکات، دەست لە پۆستی سەرۆکایەتیی پەرلەمان دەکێشمەوە و جارێکی دی ئەو پۆستە وەرناگرمەوە و رۆژی ۱۸ی شوبات کە بەربژێران رادەگەیەندرێن کۆتایی بە ئەرکەکەی لە سەرۆکایەتی پەرلەمان دەهێنێت..”.
سه‌رۆكی په‌رله‌مانی توركیا گوتیشی : “له‌گه‌ڵ سه‌ردانیكردنی پارته‌كه‌‌م بۆ ناونووسینی هه‌ڵبژاردنه‌كان، داواكاری وازهێنانم له سه‌رۆكایه‌تی په‌رله‌مان پێشكه‌ش ده‌كه‌م”.
بینالی یڵدرم سه‌رۆكی په‌رله‌مانی توركیا ده‌شلێت : “با كه‌س ده‌نگی كورده‌كان وه‌ك كه‌وی ناو جانتا ته‌ماشا نه‌كات، ئه‌مه له هه‌ڵبژاردنه‌كاندا ده‌بینینه‌وه”.
بڕیارە رۆژی ۳۱ی۳ی۲۰۱۹ هەڵبژاردنە خۆجێییەکان لە شارەکانی باکووری کوردستان و تورکیا بەڕێوەبچن.
