بالیۆزی عێراق لە هۆڵەندا: بەشدار كۆنفرانسێكی ئابووری نێوان هەرێمی كوردستان و هۆڵەندای نەكرد بە هۆی بوونی ئاڵای كوردستان
دوای ئەوە لە شاری ئەمستردامی وڵاتی هۆڵەندا كنفرانسیێك بۆ پەیوەندی ئابووری نێوان هۆڵەنداو هەرێمی كوردستان رێكخرا, باڵیۆزی عێراق لە ئەمستەردام بانگهێشت كرابوو بەڵام بەهۆی هەڵكردنی ئاڵای كوردستان لە پاڵ ئاڵای عێراق و هۆڵەندا، رەتیدەكاتەوە بەشداری لە كۆنفرانسێكی ئابووریدا بكات.
كۆنفرانسەكە تایبەت بوو بە پەیوەندییە ئابوورییەكانی نێوان هەرێمی كوردستان و هۆڵەندا و تێیدا ئاڵای كوردستانیش دانرابوو، بەڵام هیشام عەلەوی باڵیۆزی عێراق بە ئامادەكارانی كۆنفرانسەكەی راگەیاندبوو، بەشداری ناكات.
وەك باس دەكرێت، ئەو باڵیۆزە بە ئامادەكارانی كۆنفرانسەكەی راگەیاندووە، كە بەهۆی ئاڵای كوردستان بەشداری كۆنفرانسەكە ناكات.
عەلەوی پێشتر باڵیۆزی عێراق بووە لە توركیا و هەڵوێستەكانی دژی هەرێمی كوردستانە، بەتایبەتیش دوای ئەنجامدانی ریفراندۆمی سەربەخۆی لە 25ی ئەیلوولی 2017، كە تێیدا نزیكەی 93%ی بەشداربووان بە بەڵێ دەنگیان بۆ دا.
سەرچاوە: شفق نیوز
