بەرێوەبەرێكی كورد لە دووزخورماتوو لە كارەكەی دوورخراوەتەوە, پێیان گوتووە تۆ سەركەوتوویت بەڵام بەداخەوە كوردیت
دوای ئەوەی بە هۆی خیانەتی یەكێتی لە 16ـی ئۆكتۆبەری ساڵی رابردوو كەركووك بە شێكی زۆری خاكی كوردستان لە لایەن حەشدی شەعبی و سوپای پاسداران داگیركرا, ئەو ناوچانە بە حوكمی سەربازی بەڕێوە دەرێن و كورد لە نێو دام و دەزگا حكوومیەكان و سەر ماڵ و حاڵی خۆیان دەردەكرێن, دواهەمینان بەڕێوەبەری فەرمانگەیەكی شارۆچكەی خورماتوو بە بڕیاری بەڕێوەبەرێكی پارێزگای سەڵاحەدین لە پۆستەكەی دووردەخرێتەوە.
ئەحمەد عەلی محەمەد، بەڕێوەبەری نەخۆشخانەی خورماتوو، ڕاگەیاند: “بەڕێوەبەری تەندروستی سەڵاحەدین، لە نووسراوێكدا كە دوێنێ ۲۹/۱/۲۰۱۹ دەریكرووە، بەبێ هیچ هۆیەك لە پۆستەكەم دووری خستوومەتەوە”.
گوتیشی: “ئەمڕۆ ۳۰/۱/۲۰۱۹ ئەنجوومەنی قەزای خورماتوو كۆبوونەتەوە و بەڵێنیانداوە ڕێگری لە جێبەجێكردنی بڕیارەكە بكەن”.
ئاماژەی بەوەشدا “لەنووسراوەكەدا دكتۆرێكی نەخۆشخانەكە خراوەتە شوێنەكەم، بەڵام ناوبراو ڕەتیكردووەتەوە دەستبەكاربێت لە شوێنەكەمدا”.
ئەو بەڕێوەبەرە كوردە گوتیشی: “چەند ڕۆژێكی پێش ئێستا نووسراوێكم ئاڕاستەی قایمقامی قەزای خورماتوو كرد لەسەر وەڵام نەدانەوەی داواكارییەكانم بۆ پڕكردنەوەی كەموكوڕییەكانی نەخۆشخانەكەمان لەلایەن بەڕێوەبەری تەندروستی سەڵاحەدینەوە، ناوبراویش ئەوەی كردووە بەبیانوو بۆ لابردنم”.
كەسێكی نزیك لە بەڕێوەبەری نەخۆشخانەی دووز خورماتوو رایگەیاندووە:” بە ئەحمەد عەلی گوتراوە تۆ بەڕێوەبەرێكی سەركەوتووی بەڵام بەداخەوەكوردیت بۆیە لادراویت.
