نه‌وت به‌رێژه‌یه‌كی زۆر دابه‌زی

خواكوڕك

به‌هۆی سه‌ركه‌وتنی تره‌مپ له‌ هه‌ڵبژاردنه‌كانی ئه‌مریكا، بازاڕه‌ نه‌وتیه‌كانی جیهان نائارامی زۆری به‌خۆیه‌وه‌ بینیوه‌، و ئه‌مرۆ یه‌ك به‌رمیل نه‌وتى برێنت به‌ 44 دۆلار و 92 سه‌نت مامه‌ڵه‌ی پێوه‌كراوه‌‌ له‌ كاتێكدا دوێنێ سێ شه‌ممه‌ به‌ 46 دۆلار و 23 سه‌نت بووه‌.

ئه‌مرۆ چوارشه‌ممه‌ 9/11/2016 دوای راگه‌یاندنی ئه‌نجامه‌كانی هه‌ڵبژاردنی سه‌رۆكایه‌تی ئه‌مریكا و سه‌ركه‌وتنی دۆناڵد تره‌مپ له‌ هه‌ڵبژاردنه‌كان، نه‌وت رێژه‌ی 2 دۆلار و 20 سه‌نت له‌ نرخی خۆی له‌ده‌ست ده‌دات، به‌ڵام زێر له‌بازاڕه‌كاندا نرخێكی به‌رز تۆمار ده‌كات.

ئاژانسی رۆیته‌رز بڵاوی كردۆته‌وه‌، ئه‌مڕۆ نرخی زێڕ به‌رێژه‌ی له‌سه‌دا 4.9 به‌رزبۆته‌وه‌ و نرخی‌ هه‌ر ئۆنسه‌یه‌ك گه‌شتووه‌ته‌ 1337.40 دۆلار بۆ هه‌ر ئۆنسه‌یه‌ك.

به‌گوێره‌ی رای چاودێران و شیكه‌ره‌وان، سه‌ركه‌وتنی تره‌مپ نائارامی ئابوری و جیهانی لێده‌كه‌وێته‌وه‌، كه‌ وه‌به‌رهێنان ناچارده‌كات په‌نا بۆ زێڕ به‌رن هه‌ربۆیه‌ نرخی زێڕ به‌رزبۆته‌وه‌.