جوان حه‌سه‌ن : جەمال مەولود ناتوانێت له‌بری ڕێبوار تاڵه‌بانی واژۆ بكات
سه‌رۆكێكی نوێ به وه‌كاله‌ت به شێوه‌یه‌كی كاتی بۆ ئه‌نجومه‌نی پارێزگای كه‌ركوك بۆ كاروباره داراییه‌كان دانرا ،جه‌مال مه‌ولود، ئه‌ندامی لیستی برایه‌تی له پشكی یه‌كێتی وه‌كو سه‌رۆكی نوێی ئه‌نجومه‌ن به‌وه‌كاله‌ت به‌شێوه‌ی كاتی بۆ كاروباره داراییه‌كان و وه‌رگرتنی موچه‌ی ئه‌ندامانی ئه‌نجومه‌نی پارێزگا، قه‌زا و ناحییه‌کان و ته‌واوی فه‌رمانبه‌رانی سه‌ر به ئه‌نجومه‌نه‌کان به‌ڕێوه ده‌بات.
جەمال مەولود ئەندامی لیستی برایەتیی لە پشكی یەكێتی لەلێدوانێكی رۆژنامەوانیدا رایگەیاند:”بە ئیمزای ١٩ ئەندامی ئەنجومەن راسپێردراوم بۆ بەڕێوەبردنی كارەكانی ئەنجومەن. ڕۆژی یەك شەممە نوسراوەكە دەگاتە ئەنجوومەن و دوایی پلانی كۆبوونەوە دادەنێین.”
جەمال مەولود گووتیشی: “من بۆ ئەوە دادەنێرم تاكو واژوو لەسەر لیستی مووچەی فەرمانبەران بكەم و كاروبارە ئیدارییەكانی ئەنجوومەن رای بكەم.”
ته‌حسین كه‌هییه، ئه‌ندامی كوتله‌ی توركمانی له ئه‌نجومه‌نی پارێزگای كه‌ركوك،گووتی“پێشتر داواكارییه‌ك به واژۆی ۲۱ی ئه‌ندامی ئه‌نجومه‌ن به‌رزكراوه‌ته‌وه بۆ تۆرهان موفتی، سه‌رۆكی سكرتاریه‌تی ده‌سته‌ی هه‌ماهه‌نگی باڵای نێوان پارێزگاكان بۆ دانانی به ته‌مه‌نترین ئه‌ندامی ئه‌نجومه‌ن، بۆ به‌ڕێوه‌بردنی كاروباری دارایی له ئه‌نجومه‌نی پارێزگای كه‌ركوك و لیژنه‌یه‌كی سێ كه‌سی بۆ بریاردان له‌وباره‌یه‌وه، داواكارییه‌كه‌ش دوای تاوتوێكردنی قبوڵكراوه”.
لای خۆیه‌وه جوان حەسەن ئەندامی ئەنجومەنی پارێزگای كه‌ركوك گوتیشی: بەپێی ئەو بڕیارە بە تەمەنترین ئەندامی ئەنجومەنی پارێزگای كەركوك بەسەرۆكی لیژنەیەكی تایبەت بە موچە و شایستە داراییەكان ڕاسپێردراوە”.
ئەندامی ئەنجومەنی پارێزگای كه‌ركوك ده‌شڵێت: “جەمال مەولود كە ئەندامی لیستی برایەتییە و بەتەمەنترین ئەندامی ئەنجومەنەكەیە سەرۆكی ئەو لیژنەیەو جگە لە پرسەكانی تایبەت بە موچە و شایستە داراییەكان، ناتوانێت لەبری ڕێبوار تاڵەبانی واژۆ بكات”.
