سبەی لە هەولێر یادی شەهیدانی 1ـی شوبات بەرز رادەگیرێت

دوای تیپەڕینی 15 ساڵ بەسەر كارەساتی تەقینەوەی نێو بارەگای لقی 2 و مەڵبەندی 3ی یەكێتی كە بووە هۆی گیان لە دەست دانی زیاتر لە 100 كەس سبەی هەینی وەزارەتی كاروباری شەهیدان و ئەنفالكراوەكانی هەرێمی كوردستان، یادی شەهیدانی 1ی شوباتی هەولێر بەرز رادەگرێت.

لەمبارەیەوە لیژنەی سەرپەرشتیاری یادەكە داوەتنامەیەكی بە ناونیشانی “سەری ڕێز و نەوازش دادەنەوێنین بۆ خانەوادەی شەهیدان”، ئاراستەی هاووڵاتیان كردووە و رایگەیاندووە بە مەبەستی راگرتنی یادی شەهیدانی 1ی شوبات، سبەی هەینی كاتژمێر 10ی بەیانی لە پاركی سامی عەبدورەحمان لە هەولێر كۆدەبنەوە.

ڕۆژی 1ی شوباتی 2004، لە كارەساتێكی گەورەدا زیاتر لە 100 كەس لە دوو تەقینەوەی تیرۆریستی لەنێو بارەگای لقی 2ی پارتی و مەڵبەندی‌ 3ی یەكێتی لە هەولێر شەهید بوون، لەنێویاندا ژمارەیەكی زۆر لە سەركردە و كادیری ھەردوو حزب و دەیان پێشمەرگە و خەڵكی‌ سڤیل هەبوون.

Back to top button