پزیشکێکیی کورد دڵێکی دەستکردی دروستکرد كه بینیم دڵە دەستکردەکه كاریكرد گریام..
پزیشکێکیی کوردی دانیشتووی شاری فێستەرۆسی سوید دڵێکی دەستکردی دروستکردووە و ئێستا لەسەر ئاژەڵان تاقی دەکاته‌وه.
د. ئازاد نەجار، داھێنەری دڵە دەستکردەکە، لە ساڵی ٢٠٠٠ دەستی بە داھێنانەکەی کردووە، لەو بارەیەوە، بە بەشی کوردی ڕادیۆی سویدی ڕاگەیاند: “کەسی نەخۆشم بینیوە، کە بەدەست نەخۆشییەکانی دڵەوە دەناڵێنێت، تەنانەت کوڕِە خاڵەکەی خۆیشم، بۆیە ئەمە پاڵنەرم بوو بۆ ئەم داھێنانە”.
ھەر لەبارەی داھێنانەکەی گوتی: دڵەکە بۆ یەکەم جار وەک تاقیکردنەوە لەجەستەی بەرازێکدا دانرا و تاقیکردنەوەکە سەرکەوتوو بووه، لەبارەی ھەستی خۆی لەو کاتەدا، دکتۆر ئازاد نەجاڕ، گوتی: کاتێک بینم کە دڵە دەستکردەکە لە سنگی بەرازەکەدا کار دەکات و ھیچ کێشەیەکی نییە، ھەناسەدا و جووڵەکانی، دەستم بەگریان کرد
ھەروەھا باسی لەوەش کرد، کە ئەو تاقیکردنەوەیە قۆناغی یەکەم و لە قۆناغەکانی داھاتوودا بەسەر ئاژەڵی دیکەش تاقی دەکەنەوە
ئازاد نەجار دکتۆرێکی کوردە و لە دایکبووی شاری زاخۆیە. دەرچووی زانکۆی پزیشکیی مووسڵە، کە پاش دوو ساڵ کارکردن لە عێراق، لەساڵی ١٩٩٥ چووەتە سوید و زیاتر لە ١٥ ساڵە لە نەخۆشخانەی ڤێستەرۆس وەک پزیشک کار دەکات.
