سیناتۆرێكی ئه‌مریكی داوای دامه‌زراندنی ده‌وڵه‌تیكی سه‌ربه‌خۆ بۆ كوردان ده‌كات
سیناتۆرێكی ئەمریكی داوای دامەزراندنی دەوڵەتێك بۆ كوردان دەكات و دەڵێت، كاتێك ئیمپراتۆرییەتی عوسمانییەكان شكستی هێنا و كاتێكیش دەوڵەتانی دەوروبەریان دامەزرێنران ( عیراق، توركیا، سوریاو ئێران) كوردان پشتگوێخران و بێ دەوڵەت هێڵدرانەوە.
جۆن كەنەدەی سیناتۆری ئەمریكی رۆژی چوار شەممەی ڕابردوو لە ئەنجومەنی سیناتی وڵاتەكەی رایگەیاند:” پێویستە یاسای ناسراو “س ا” بۆ پارێزگاریكردن لە هاوپەیمانێتی ئەمریكا لە ڕۆژهەڵاتی ناوەڕاست هەموار بكرێتەوەو كوردیش بخرێتە ناوی، تاكو لە هەر هێرشی دەرەكی پارێزگاری لێبكرێت.”
سیناتۆره‌كه‌ی ئه‌مریكا گوتیشی:” ئێمە بەم پڕۆژە بڕیارە دەڵێین پارێزگاری لە هاوپەیمانان لە ڕۆژهەڵاتی ناوەڕاست دەكەین، بەڵام بەشێكی گرنگی تێدا نییە، چونكە جارێكی دیكە ئەنجومەنی سیناتی ئەمریكا، كوردە دۆست و هاوپەیمانەكانی پشتگوێ دەخات.”
جۆن كەنەدەی ده‌ڵێت:” ئەمە یەكەمین جار نییە كوردەكان پشتگوێ دەخرێن، لەكاتێكدا 30 ملیۆن كورد لە ڕۆژهەڵاتی ناوەڕاستدا بوونیان هەیە و دەوڵەتێكیان نییە كە خۆیان بە خاوەنی بزانن و لە هیچ شوێنێك پارێزراو نین و بەدرێژایی مێژوو مەینەتی زۆریان بینیوەو بە چاوێكی كەم و جیاوازەوە سەیركراون و ڕاگوێزراون.” وەك بەشی كوردی دەنگی ئەمریكا بڵاویكردووەتەوە.
ئەو سیناتۆرە ئەمریكاییە راشیگەیاند، دەمەوێ هەڤاڵانم لە سینات بیرێك لە كوردەكان بكەنەوە.
هه‌روه‌ها جۆن كه‌نه‌دی سیناتۆری ئه‌مریكی رونیشیكردەوە:” پێویستە جەخت لەوە بكەینەوە ئەمریكا بەڵێنی بە هەر هاوپەیمانێكی لە رۆژهەڵات داوە، پێویستە بەڵێنەكەی بباتەسەر ئەمەش بۆ ئەوەی بەرژەوەندییەكانی ئەمریكا بەهێز و پارێزراوبێت لە ڕۆژهەڵاتی ناوەڕاست.”
https://www.facebook.com/VOAKudish/videos/2367591146599064/
