وه‌زاره‌تی ده‌ره‌وه‌ی ئه‌مه‌ریكا: ئیران جگه له گه‌نده‌ڵی و شكست هیچی تری به‌رهه‌م نه‌هێناوه
وەزارەتی دەرەوەی ئەمریکا لە کۆمەڵێک پەیام دا به بۆنه‌ی چل ساڵ شۆڕشی گەلانی ئێران، هێرش ده‌كاته سەربه‌رپرسانی ئێرانی وده‌لێت : ئیران جگه له شكست هیچی بەرهەم نەهێناوە.
وه‌زاره‌تی ده‌ره‌وه‌ی ئه‌مریكا لە چەند تویتێکدا حکوومەتی ئێران بە (حكومه‌تێكی گەندەڵ و شكستخواردوو) تاوانبار ده‌كات و نوسیوویه‌تی: “ئەو حکوومەتە ئابووریی ئێرانی لەناو بردووە، سووکایەتیی بە فەرهەنگی ڕەسەنی ئێرانی کردووە و تەنیا بووەتە هۆکاری شکست و هیچی دیکەی نەکردووە”.
وەزارەتی دەرەوەی ئەمریکا له تویته‌كانیدا ده‌ڵێت : “کۆماری ئیسلامی نەتەنیا سەرکوتی میدیاکان، دەستگیرکردنی ڕۆژنامەنووسان، بەرتەسکردنەوەی ئینتەرنێت و گەندەڵیی دامودەزگاکانی هێانوەتە ئاراوە، هاوکات هیچ کام لەو وادە و بەڵێنانەی ڕۆحوڵا خومەینی چل ساڵ لەمەوپێش بە خەڵکی دابوو، نەهاتوونەتە دی”.
هه‌روه‌ها نوسیویه‌تی و ده‌شڵێت :” “ئەمڕۆکە ئێران یەکێک لەو وڵاتانەیە کە لە بواری تۆڕە کۆمەڵایەتییەکاندا بە توندی سەرکوت کراوە و بەربەستی لەبەردەمە”.
چل ساڵ لەمەوبەر و لە زستانی ساڵی ۱۹۷۹ ڕوحوڵا خومەینی ڕێبەر و دامەزرێنەری کۆماری ئیسلامیی ئێران، پاش چەندان ساڵ دوورخرانەوە، گەڕایەوە ئەو وڵاتە و لە ماوەی دە ڕۆژ شەڕ و بەربەرەکانێ هەموو نەتەوە و گەلانی ئێران لەدژی حکوومەتی پاشایەتیی محەمەدڕەزاشا، سەرەنجام شۆڕشی گەلانی ئێران سەرکەوت.
