ئەردۆغان و چاوش ئۆغلۆ سەردانی هه‌ولێر ده‌كه‌ن
مه‌ولود چاویش ئۆغلۆ، وه‌زیری ده‌ره‌وه‌ی توركیا، له دیدارێكدا له شاره‌وانی بای ئۆغلۆ له ئیسته‌نبوڵ بۆ كه‌ناڵی “ئێن تی ڤی” توركی، ڕایگه‌یاند:” توركیا له نزیكه‌وه چاودێری دۆخی عێراق ده‌كات ، ئێستا بونیادنانه‌وه و پێكهێنانی حكوومه‌تێكی گشتگیر گرنگترین كاره له پێشینه‌كانه له عێراق و هه‌ڕه‌شه‌كانی تیرۆر هێشتا له‌و وڵاته كۆتایی نه‌هاتوون ،له‌گه‌ڵ كۆمه‌ڵگه‌ی نێوده‌وڵه‌تی كار بۆ نه‌هێشتنی ئه‌و هه‌ڕه‌شانه ده‌كه‌ین” .
سه‌باره‌ت به به‌شداریكردنی توركیا له بونیادنانه‌وه‌ی عێراقیش، وه‌زیری ده‌ره‌وه‌ی توركیا، گوتی: ئه‌نقه‌ره به‌ڵێنی پێدانی قه‌رزێكی ۵ ملیار دۆلاری ئه‌مه‌ریكی به عێراق داوه، كه دوای نه‌هێشتنی داعش له پڕۆژه‌كانی عێراق ده‌خرێته گه‌ڕ”.
مه‌ولود چاویش ئۆغلۆ، وه‌زیری ده‌ره‌وه‌ی توركیا گوتیشی :” پیاوانی كاری توركیا ده‌توانن سوود له‌و قه‌رزه وه‌بگرن و ئه‌و بڕه پاره‌یه بۆ ئه‌و پڕۆژانه ته‌رخانكراوه، كه به بزنسمانه‌كانی توركیا له عێراق ده‌درێت و به‌شێكیشی بۆ بووژاندنه‌وه‌ی كه‌رتی بازرگانی نێوان توركیا و عێراق دابین كراوه”.
هاوكات ئاژانسی ئەنادۆڵی تورکی لە زاری مەولود چاوشئۆغڵو وەزیری دەرەوەی تورکیا بڵاویکردەوە، لە چەند ڕۆژی داهاتوودا وەزیری دەرەوەی تورکیا سەردانی بەغدا و هەولێر دەکات.
ئاژانسی ئه‌نادۆڵـی توركی ڕاشیگه‌یاندووه ،وەزیری دەرەوەی تورکیا ئامادەکاری دەکات بۆ سەردانی فەرمیی ڕەجەب تەیب ئەردۆغان سەرۆک کۆماری تورکیا کە بڕیارە لەدوای ئەنجامدانی هەڵبژاردنی شارەوانیەکانی تورکیا ئەنجامیبدات.
